廢事令朋友仔生日都失望嘛。話晒食貨，食到伏野真係會成日黑面LOL！
位於亞士厘道既17至19號，依棟樓可說是蘊藏左好多好西既地方！之前吃過一間omakase都係好高質的！所以今次都好期待～
先點酒精飲品。但只想輕嘗，點果酒就最好不過了！！
Sangria $58
平時飲Sangria都愛飲白酒那種，但今次意外地比較愛紅酒。紅酒帶甜，白酒帶微澀。女生還是愛甜酒，但晚飯配酒就是必需的！
就是慢慢吃慢慢聊，所以先點了２個小食。
燒牛脷熱脆包 $88
表面睇好似係豬柳強既包皮，但食落係好脆身再帶煙韌感，加上薄切牛脷，增添惹味。加上中間有點醬所以吾會乾乾的。牛脷口感帶爽但質感偏腍，就是燒得剛好才可以這種效果！伴碟仲有甜甜新鮮既菠蘿肉，清一下味蕾，迎接下一道菜最適合不過！
松露蘑菇湯 $68
呢個湯大受我地既好評，很濃郁！一上枱係撲鼻既松露香，飲落係相符既！粒粒既蘑菇碎粒既比例都多，好足料！可算是我喝過最濃郁既松露蘑菇湯
松露煮日本年糕 $98
接住松露蘑菇湯又是松露料理喔，係煮年糕！用既係日本年糕，有別於韓版長形年糕，但一樣煙韌，厚薄剛好！連忌廉底一起吃就是入味！
豬肋肉 $178
主食之一點了這個豬肋肉，一條一條的比較方便。圍邊有啲筋位，特別爽口有嚼勁！而肉既部分都多，加上黑椒提味，送酒一流！
羊架 $258
係我地order時經理特別推介，一食就覺得真係無介紹錯。羊吾會好羶，好juicy煎得鎖住晒肉汁。點左五成，剛好是粉嫩既肉色！
最後以甜品作結！朱古力慕絲 $40
本身對慕絲無好感，覺得普遍係膩感重。但呢度既慕絲一刷我既有印象，食落好light仲吾會過甜。所以好易就慢慢送晒入口，食後罪惡感浮晒上嚟！但好滿足～
今次豪食單點，人均450左右，但和朋友都好開心！
