Cafe Whale

营业中

休息中

今日去太安樓幫襯左一間專食漢堡包嘅小店，佢嘅漢堡包都有幾多款式，有啲仲好特別嘅。平時和牛安格斯牛嘅漢堡包出面都好常見，不過今日試咗一個幾特別嘅，就係手打騸牯牛漢堡包。上網search騸牯牛原來就係閹割咗嘅牛，刁鑽得嚟食落個味道又真係同平時食到嘅唔同，佢嘅肉質比較嫩而牛肉味亦都比較濃，入口又唔會好似和牛咁比較膩，我好欣賞佢係人手打嘅漢堡扒，入口會feel到有粗有幼，頗有層次感，另外嗰啲配菜都幾新鮮。食漢堡包又點可以冇薯條呢，所以小食我就揀咗黑松露薯條，啲黑松露粉冇電油味，佢嘅薯條係即叫即炸熱辣辣好好食。