匠山

营业中

休息中

今日去馬鞍山拜年，朋友帶我去咗佢經常幫襯既匠山日本料理。呢間店唔算大，但成個環境都讓人覺得舒服。見到店員同客人之間互動親切，令人感到自在。帆立貝刺身，口感鮮嫩，味道清甜，真係唔錯。玉子壽司，正常味道。軟殼蟹米紙卷，裡面係青瓜絲，加埋蟹釨，食落去又爽又脆，好開胃。燒墨魚餅咬落有墨魚粒，口感不錯。燒鱈魚棒好香脆，唐揚魷魚鬚炸得金黃酥脆，咬落去完全唔覺得油膩。汁煮凍鮑魚經過腌製，切成薄片，每片都好入味，呢個鮑魚有D驚喜，好味。如果唔係揸車，一定試Sake或者生啤，唯有等下次。菠蘿蘆薈梳打同白桃蘆薈梳打都唔錯，兩款飲品都好清爽，配香口小食都好適合。今時今日有服務但免服務費，真的要大讚匠山。下次再嚟！