影片
更多
2022-06-07
205 浏览
嚟到馬鞍山呢個美食沙漠，真係唔係好多好嘢食，不過見到都有好多人推介呢間隱世Cafe，主打手作意粉，scone，舖頭好細得幾張枱，12:30去到都要等，等大概一個鐘頭先至有位，店員好好好有禮貌，驚我哋等得太耐，叫我哋主動留電話有位就打電話通知，非常貼心！🍴花華Scone配自家果醬及軟芝士 包一杯$35嘅飲品 $68 (7/10)嗰日有三種唔同嘅Scone，揀咗鳳梨烏龍可可鬆餅，配咗個紅莓醬同埋軟芝士。鬆餅口感唔會太乾身，食落係外脆內軟，佢比較乾身啲嘅蛋糕，都幾鬆軟，唔會有粉狀粒粒，做得幾好，但個味道就比較偏可可味重啲，都食到有少少鳳梨肉，偏酸嘅，但係烏龍茶嘅味道就唔係好出啦，配紅莓醬嘅話就會比較酸啲清新啲，芝士就香濃啲，鍾意配芝士多啲🫢不過味道唔算太驚喜，可食再唔食，但係中上質素嘅！🍴法式千層馬鈴薯批 • 巴馬火腿•蛋 •自家麵包 $98 (9/10)冇諗過呢個咁好食！馬鈴薯批係一層層薯仔片中間夾咗白醬，好香濃嘅奶味同芝士味，同時又食到薯仔嘅口感，好香濃薯仔味好好食！巴馬火腿唔會鹹，比較有油香，好見咬開唔會好韌，雞蛋係流心，點麵包食一流。麵包相對比較厚身，有各個所以好香脆，質感唔會太乾身
🍴花華Scone配自家果醬及軟芝士 包一杯$35嘅飲品 $68 (7/10)
嗰日有三種唔同嘅Scone，揀咗鳳梨烏龍可可鬆餅，配咗個紅莓醬同埋軟芝士。鬆餅口感唔會太乾身，食落係外脆內軟，佢比較乾身啲嘅蛋糕，都幾鬆軟，唔會有粉狀粒粒，做得幾好，但個味道就比較偏可可味重啲，都食到有少少鳳梨肉，偏酸嘅，但係烏龍茶嘅味道就唔係好出啦，配紅莓醬嘅話就會比較酸啲清新啲，芝士就香濃啲，鍾意配芝士多啲🫢不過味道唔算太驚喜，可食再唔食，但係中上質素嘅！
🍴法式千層馬鈴薯批 • 巴馬火腿•蛋 •自家麵包 $98 (9/10)
冇諗過呢個咁好食！馬鈴薯批係一層層薯仔片中間夾咗白醬，好香濃嘅奶味同芝士味，同時又食到薯仔嘅口感，好香濃薯仔味好好食！巴馬火腿唔會鹹，比較有油香，好見咬開唔會好韌，雞蛋係流心，點麵包食一流。麵包相對比較厚身，有各個所以好香脆，質感唔會太乾身，有少少似蒜蓉包嘅感覺。真心好好味，不過個分量比較少可能做早餐就好啲，午餐應該會唔夠飽。
🍴 本地新鮮沙白 • 蒜香 • 手工意粉 $148 (10/10)
份量超級足，有成八隻大蜆，隻隻都好大粒，仲要冇沙，好鮮甜鹹香，啱啱好熟唔會過老！用咗蒜香同埋香草，少少忌廉去煮，好香蒜香味，加埋香草係好清新嘅感覺，雖然忌廉味就唔係好出，不過主要係食蜆嘅鮮甜同埋意粉嘅味道。食得出係手工意粉，好有口感同彈性，輕輕一眼就會斷開，面係闊嘅，好掛汁，真心覺得好好食！
☕️ White Regular $38 (6/10)
咖啡就比較一般，雖然用咗日本明治牛奶去沖，但口感比較偏苦同埋冇咖啡嘅香味。
推薦指數: 9/10
真心佢哋主菜比其他都更加出色，如果排隊一個鐘，覺得都值得去排隊試吓嘅，小店好有誠意好有禮貌好用心去做每一樣嘢，基本上都冇中伏嘅，覺得主菜真係好出色！
张贴
