聯發牛什粉麵茶餐廳 (已結業)

新港城街市變嚟變去唯獨呢間汕頭粉麵由我中學食到大學食到岀嚟做嘢幾年依然一樣咁嘅樣 咁好味 同埋咁多人只係價錢由17蚊加到27以前仲食牛，最中意叫牛雜河走腸同牛腩入味之餘 肥瘦平均！加下戒牛，都過意去食魚蛋河就算無加腩汁，個湯都有味，唔會好似水咁叫魚蛋有捚魚角一啲都唔腥，仲食到炸過嘅魚香口感方面，絕對稱得上彈牙唔會過硬過腍不得不提呢度凍熱飲同價都係加7蚊，高度推介凍奶茶真正做到港式茶餐廳奶茶嘅神韻香、濃、滑雖然愈嚟愈貴但食左10幾年都仲有水凖會繼續支持！