影片
劲耐冇嚟呢度食，好似由细到大都已经存在😉一直以来都咁多人，而且质素好好嘅平民价钱，好味过出面出名嘅好多，而家好多出名嘅都名过其实除咗牛腩牛杂之外，云吞都多人食，经常见到啲人即刻喺出面包🤣🤣阿妈唔食牛就食云吞河粉！河粉今日阿妈话有弹性好味我碗牛杂超靓仔！几肚饿都要帮佢影个写真先🤣🤣每次都系好稳定两旧大牛肺，一旧好细嘅牛膀（永远都系咁少，无论系边间食）珍贵的位置！同埋四片金钱肚 好似系$36 ！平靓正快所以我阿哥就算疫情时候都坚持嚟食😂😂😂嚟得呢度就唔好要求服务同埋环境，平靓正质素好重要要求呢啲就肯定唔会比㗎啦！但系已经性价比超高
继续阅读
依间粉面店，都已经帮衬咗好多年，因为依区真系冇其他传统粉面店。铺头系街市入面，环境就真系迫啲，乱啲，次次都要自己揾位，不过都系附近街坊，食完就好快走。- 牛腩米依度招牌系牛腩，牛腩部位好，多数都系半肥瘦，好淋，又有啲咬口。腩汁好浓，加少少辣椒油，就已经好好食。- 牛筋牛腩河 牛筋，牛腩，两样份量都唔少。牛筋软淋淋，好好食。每次黎食都系坐满人，要等位，自己揾位，同埋座位好迫。不过价钱真系平，而且有质素，传统粉面店都系著重平靓正，环境享受就要去第二间。
继续阅读
依家间牛腩面在街市入面，环境一般，坐位都十分狭窄。但胜在价钱便宜，味道一流和份量十足。我每一次食都必定点牛腩河多腩汁和多葱。汤底清甜，牛腩够淋和浓郁牛味，而河粉十分滑溜。今次我加了6蚊要牛筋，牛筋亦丰富有骨胶原， 入口即溶，都值得一试。一碗令人日日食，都唔会觉得厌的牛腩河。 （牛腩100%推介）
继续阅读
上次食完佢个牛杂河，觉得质素不错，所以今日又黎左帮衬呢间小店😋😋由于佢系喺街市入面，所以都唔好期望佢嘅卫生环境会好好😖但一间街市里面有间性价比咁唔错嘅面舖，已经好难得。🍜牛腩饺子面 $36+6（双拼+6）🌕🌕🌕🌗🌑唔知系咪因为同侍应特别要求左要啲肥啲嘅牛腩🐮所以今次啲牛腩几靓，半肥瘦，食落都完全唔会好老同好靭😋😋饺子嘅馅有虾同木耳，外皮极薄滑，味道正常。面底都好爽，唔会太大浸碱水味👍🏼🍜牛腩云吞河$36+6 🌕🌕🌕🌑🌑呢碗牛腩相对瘦啲，但都唔错，唔会好老同好靭。云吞就一般般😕河粉都几滑👍🏼个人黎讲好钟意佢除左葱之外仲加左芹菜同炸蒜，味道丰富好多😋😋☕️茶走 （+$5）🌕🌕🌗🌑🌑过甜得黎茶底好苦涩，有好大进步空间🙁整体黎讲，牛腩/牛杂粉面嘅性价比几高，但云吞饺子就一般。如果经过马鞍山可以一试佢嘅牛腩面😛
继续阅读
其实帮衬咗联发好多年，一直觉得佢哋D牛腩牛什好有水准，不过感觉为屋邨面档写赛后报告，好似有D奇怪，所以一直都无咁做。直至前排试过旺角某新开牛杂牛肠窝的经历，实在感到值得表扬一下佢哋。九点半去到，揾个位坐低，叫咗碗牛腩肥肠紫菜河走青；强调！讲咗肥肠都未必有，要睇时间，早去通常有，不过无的话D姐姐会话你知。碗面咩质素唔洗我讲都睇到啦🤣🤣$54有埋杯冻柠茶，又好食又抵食！肥肠唔韧肥膏都好甘香，牛腩唔系会「哗」一声𠮶啲，正常发挥！冻柠茶话少冰就真系少冰，呢个形容好似有啲搞笑，但其实好多茶餐厅，讲咗少冰都系咁多冰🤷🏻♂️现今YouTuber介绍食店，大家好易盲舂舂冲去食⋯⋯包括我自己🫣🫣，不过冇办法，唯有睇多两篇食评啰！
继续阅读