駟馬拖車潮州飯店 (MOSTown新港城中心(4期)) (已結業)

附近開咗呢間中菜一直都未試過，但知道好受歡迎，成日見到多人排隊，聽街坊講都話幾好食，但一直覺得偏貴冇試，今次終於嚟試吓。去到係下午茶時段，即係有折，都叫抵食少少。去到門口冇人等位，睇唔到入面爆唔爆，見門口職員都冇叫我哋入去，我哋就照攞飛等。門口兩位西裝經理見到我哋攞飛，都冇出聲，我哋攞住張飛一直係經理面前等咗十分鐘，跟住有個樓面呀姐出嚟就即刻叫我哋入去，原來經理係唔會負責叫飛。呢間野特色係水係自己煲，都幾神奇，放個煲係上面，撳加水，會係下面抽蒸餾水上嚟，然後煲埋。咁樣幾好，唔洗成日咁辛苦搵侍應嚟加茶加水。前菜，要收錢的，放低個陣可以話唔要，見其他人都有話唔要，不過見第一次嚟就試吓啦，同埋起碼都唔係花生個啲，呢個都可以一試。青瓜雲耳幾酸，都幾好食。咸水角熱辣辣幾脆，唔太油鮮蝦腸粉幾好食，係生菜，唔係芫荽，幾好春卷熱辣辣好脆，有啲蝦肉叉燒包幾軟熟，餐牌話爆餡不過實際唔算蠔餅熱辣辣，香脆好食但勁大份，可以4-6人食一舊已經好滯好溜，上面好多脆脆野最後打包翻屋企食，雖然焗翻熱冇咁好食，但都冇辦法現場真係食唔晒總結，點心款式唔算多，同埋一半都係普通野，一半就有啲特色嘅潮州嘢，食特色野嚟講就唔算太