Puzzle Dining & Cafe (已結業)

馬鞍山算係美食沙漠之一，同朋友入去做完野，諗住搵間餐廳食lunch，發覺馬鞍山好多都係連鎖式餐廳，唯獨呢間cafe感覺幾特別，門口望入去見到好多puzzle掛係牆，而且menu有好多款虹吸式精品咖啡☕️，感覺唔錯🤩🤩我哋order左兩個lunch set☺️-照燒鯖魚丼配玉子 🐟🍚 好鍾意鯖魚個醬汁，可以用黎撈飯，味道一流🤤 而且飯上面都有少量柴魚，食落更加香口，另外仲會有玉子燒同紫薑做拌菜👍🏻 跟餐可以有熱茶或者餐湯，餐湯係蘑菇湯，啖啖都飲得出蘑菇蓉，夠晒入味😍😍😍-青醬青口大蝦海鮮意大利麵🦐🍝 意大利麵底用三色椒炒🫑，再加埋多款海鮮，睇落已經好吸引😋 有青口、蝦、魷魚🦑同八爪魚🐙等等…..夠曬滿足🥰🥰-Cold Brew （埃塞俄比亞 莫加） 咁多款咖啡豆入面最後決定試呢隻，飲落真係好重酒香味，後期再帶少少酸味，感覺幾特別，重點係佢地既壺中間可以放冰，令cold brew 可以keep住凍👍🏻👍🏻👍🏻整體黎講佢地出餐既速度好快，而且食物質素高，仲可以同朋友邊嘆咖啡☕️邊傾計，下次入馬鞍山一定要再去飲其他咖啡😎