影片
港铁马鞍山站 A1 出口, 步行约8分钟
继续阅读
附加资料
星期三, 五六日有live band 演出
营业时间
*晚上分6点及8点两埸live band演出
星期一至日
11:30 - 21:00
以上资料只供参考，请与餐厅确认详情
食家推介
原本谂住黎食午饭，hea下hea下唔小心黎到下午茶时间，下午茶老实讲偏贵，不过近近地又环境搭够，还好啦下午茶餐单另外仲有All day breakfast 拣，唔记得咗影。咸蛋黄单骨鸡翼配伯爵奶茶鸡翼本身有一旧旧蛋黄调味，热辣辣，最后淋上咸蛋黄酱，简单暴力既小食
继续阅读
第一次食！真系救命咩日式滑蛋鳗鱼饭，真系不知所谓！未食过咁劲难食！又无汁 仲要比漏餐具！好似食垃圾咁！另外果个咩龙虾汁海鲜意大利面都唔好得去边，汁又少！马鞍山嘅居民可以唔洗试嘥钱！
继续阅读
有得拣，梗系拣💛小店支持啦。正午时份，冇人等位，但带位入去嘅人同我哋讲，限时60分钟。系我自己谂多咗，以为冇人等位，可以坐耐啲。😑间嘢唔系full house，但啲位超迫，明明可以坐得阔落啲，但可能侍应们唔想行太远，所以安排大家聚集坐埋一起。我哋两个人叫咗三碟嘢食， +2杯饮品，张枱根本唔够位放，名字叫Cafe，但茶记嘅位置。可否改一改餐厅名先。。。叫咗all-day breakfast、单骨鸡翼同埋牛扒。样样都系热辣辣送上，值得赞。味道不过不失。不过咁嘅价钱，如之前食评所讲，Cafe价钱，茶记味道及Service，一路食自己都一路谂，一定唔会有下一次，不过又同自己讲，💛店㖞，唔系唔支持呀嘛。不过我都要讲多句， $128的牛扒，系真系薄过纸的。建议大家唔好叫。加咗$25嘅杯latte，建议大家千祈唔好叫，因为完全冇奶、冇咖啡味，只有水味。继续Cafe价钱，茶餐厅Service，叫佢俾杯水我哋，一个疑似老细嘅人同我哋讲，要自己去斟水。我第一次去Cafe，要自己斟水，呢间仲唔系茶记？食完野，喺冇问我地情况吓，比侍应9秒9 收哂d 碟。因为冇水饮的关系（唔想戴返口罩出去斟水），喺度饮紧溶冰中的Latte。点知倾倾吓计，一不留神又被侍应急不及待收埋我ge 杯。再一够60分钟，喺冇人等位兼大把吉位的情况吓，侍应又递单叫你埋单，真系o 哂咀。如果你系茶记价钱，我愿意接受哂以上一切。但记住，系cafe 价钱，冇乜事我去返楼上间💛店好了。
继续阅读
好介绍，比我留意到这店❤️1)全日免收加一(正呀！悭得一蚊得一蚊）2)有虹吸式精品咖啡，几页版面，佢有好多味道选择。我本人就冇叫精品咖啡，我怕饮斋啡🥲但系亦都唔系间间有得饮，钟意嘅你就唔好错过。我叫左:熊本和牛粒配玉子烧（用日式托盘精致嘅摆设)和牛都好多，和牛粒配埋个汁，饭系珍珠米，每一粒和牛(连汁)𩠌饭食，好好食，系我想食嘅味道，汁都清晒。餐汤系:蕃茄浓汤，够浓，入面重有粟米粒。饮品:热鲜奶朱古力hot latte
继续阅读
马鞍山虽然曾经被揶揄为美食沙漠，不过其实细心揾，都会发现正嘢。Puzzle Dining & Pizza 地方宽敞，落地玻璃面对大街，几 cozy。下午茶时间嚟到，叫客王牌咸蛋黄单骨鸡翼。鸡翼一碟八只，其实所有咸蛋黄食物只要咸蛋黄味够，基本上已经冇得输，呢个单骨鸡翼嘅咸蛋黄味超级浓，入口咸咸香香，加上只只都炸得热辣香脆，劲好食。建议要趁热尽快食，因为一冻咗，咸蛋黄油凝固，绝对影响口感。对面位叫咗 Daily Cake Set 配 Syphon Coffee，蛋糕系朱古力榛子 mousse cake，我试咗少少，榛子味几突出，口感绵密得嚟又唔会太甜，唔错。我见杯虹吸好似几得，于是又叫多杯。我拣咗哥伦比亚 Medellin 豆，感觉各方面都较为平衡，冇个别好突出嘅气味或味道，唔算有个性，不过入口尚算顺滑，绝对物有所值。
继续阅读