馬來亞春色綠野景緻艷雅

营业中

休息中

估唔到係呢個鰂魚涌同北角之間有間不太起眼嘅馬來西亞餐廳—馬來亞春色綠野景緻艷雅 🇲🇾係平日中午嘅時候都見有唔少嘅打工仔排緊隊準備入去食個lunch，我同幾位同事今日大概十二點九見到唔算太多人排隊所以亦打算今日黎一試呢度最出名嘅肉骨茶！等左唔夠五分鐘，店員就安排左一張四人枱比我哋，menu 可以選擇嘅唔算太多，但勝在夠清晰！正宗巴生肉骨茶HKD76 連飲品 凍洛神紅苺茶味道：🌕🌕🌕🌖🌑呢度嘅肉骨茶係用砂煲裝住，風味十足！個人認為都幾足料，排骨都有四至五舊，加上一舊冬菇，三至四塊豆卜，一大塊支竹，仲有生菜同埋明目嘅杞子！再配上幾舊細塊油炸鬼加上一碗蔥油飯！其實都幾飽肚。個lunch set再包埋一杯飲品，非常抵食。以後食lunch又多個選擇喇😋