天吉屋 (已結業)

我地今晚終於黎到呢間專賣天婦羅嘅日本餐廳 - 天吉屋食啦！餐廳位於旺角朗豪坊，香港中心地帶，非常適合約埋朋友黎食👍🏼👍🏼我地分別叫左天吉丼同軟殻蟹丼。每份餐點都會供應麵豉湯，好好飲，而牛蒡茶、椰菜沙津、牛蒡漬同蘿蔔漬都係仼添，非常清甜，可以去除天婦羅嘅油膩感👍🏼👍🏼首先講下天吉丼，天吉丼連續5年榮獲日本天丼金賞，係鎮店之寶。當中天婦羅分別有黑虎蝦、魷魚、海紅鯛、茄子、南瓜、四季豆、烤紫菜同溫泉蛋。咁大個第一次食成碗都係天婦羅😍😍 海鮮非常新鮮彈牙。紅鯛好好食，好有鮮味。茄子同南瓜雖然炸過，但都保留著水份，食落唔乾身，好甜! 另一個係軟殼蟹丼。當中有天婦羅軟殼蟹、什錦炸物、茄子、南瓜同溫泉蛋。軟殼蟹超級卜卜脆！ 每一啖都非常鬆脆👍🏼 而什錦炸物（皇帝草加櫻花蝦）令人意想不到，比軟殼蟹更脆，而且又無油膩感。只有香港分店賣軟殼蟹丼，推薦一試！