吉豚屋吉列豬扒專門店 (已結業)

lunch時段出街搵野食，見到呢間鋪門口放大版的menu，金黃色的吉列豬扒圖片係門口超吸睛，望到人口水都要流出來😍我哋三人每人叫咗一個餐，如下圖呢個炸蝦豬扒定食夠份量，大大隻嘅蝦同大塊豬扒好吸引呀😋豬扒泡菜鍋定食，泡菜鍋和炸豬扒分開送上，非常岩我個食素食嘅同事，佢可以“走豬扒”（將豬扒俾其他同事食）😂自己就可以食齋嘅泡菜鍋炸豬扒超級香脆，色澤金黃，肉有質量又厚實，咬落去一口愛上！好食到停不下來😁我叫的滑蛋炸雞扒飯口感就差少少啦，因為炸雞扒俾汁和滑蛋浸濕咗少少，冇咁香脆可口😢