同朋友去咗呢間拉麵店🍜 見到近排聯乘老字號華園小食出咗鐵板大蝦拉麵同沾麵！
最吸睛一定係塊原隻鐵板大蝦餅，真係好大塊，原隻大蝦餅，好香脆！
拉麵同沾麵我都揀咗微辣！湯底都落足料，用咗大量 背脂煮干熬製，飲落去鮮味爆燈，仲有陣陣背脂香，加上海老辛醬，飲完成個口都仲留到蝦嘅餘韻😍沾麵版本個湯更濃稠，掛汁力一流，麵條用咗粗身，咬落煙韌有口感。
另外試咗佢哋嘅小食，口福餃子🥟煎得脆底多汁。
南蛮炸雞🍗外脆內嫩，個他他醬調得幾開胃。
最驚喜係個辣肉碎豚角背脂飯，加埋辣肉碎同豚角，有麻辣香，好惹味！
飲品方面，蜜桃梳打同晴王麝香葡萄梳打都幾清新，甜度適中！呢間拉麵店嘅食物真係食得出有心機。下次再encore！
1
