喜膳燒

营业中

休息中

平日如果食串燒都會同朋友返大陸食，因為大陸有好多串燒店，不過環境就相對差D～今次同朋友係尖沙咀行街，突然想食串燒, 一於係尖沙咀附近揾間餐廳試下香港既串燒啦！一上openrice 就揾到喱間喜膳燒～店內的環境雖然唔大，但係細細既木檯同整體氣氛都同日本既居酒屋有幾分相近，好適合三五知己上來食串燒飲下酒。今日由於時間尚早，又未係好肚餓，叫左幾樣野食同飲品，一路食一路傾下計。每次食串燒都好中意叫少少海鮮，今次都叫左扇貝、雞泡魚干同蠔。另外叫左和牛、豬頸肉、雞肉同埋燒娃娃菜。食物落左單唔夠十五分鐘就已經差唔多上齊，效率比起一般串燒店都高：）最有驚喜既一定係蠔，超級大隻，一黎到我同朋友都嚇親，味道鮮甜冇腥味，加埋檸檬汁食更加有鮮，口感帶少少脆，兩個人分一人都仲可以咬到幾啖，超抵食呢！另外，和牛等各樣串燒都帶有燒烤既香味，而且完全唔覺得過熟。店內不但有串燒食，仲有其他熟食架，有時食左太多串燒都想有其他野食一齊食，今日就叫左個胡麻醬烏冬，口感一咬就知道係正宗日本烏冬，煙煙韌韌，份量仲好多TIM！今次因為時間太早，仲未食得落好多野。如果下次有機會同朋友再黎，一定會再試下其他海鮮！