影片
更多
2025-07-12
224 浏览
《壹.01 - 觀塘》觀塘區真係好多好好食既小店，雖然前排我先去完台灣，但食台菜既癮就一直都仲未熄滅🤗有一日，我突然間好想食夜市先見到既花生冰淇淋卷，好奇下search香港邊度有得食，點知又真係搵到喎🫣同埋位於觀塘既壹.01都可以食到呢款香港好少見到嘅台灣夜市小食，雪糕仲要係雲呢拿同香芋嘅味道，味道都同台灣食到既有九成相似㗎，以後想食過嚟觀塘就食得到😌除咗呢個甜品之外，我同同事都試咗其他嘅台式食品，份量又大又多，都幾抵食喎，下午茶同晚市都有九折優惠㖭啊💁🏻♀️午市套餐 $78起午市套餐都好抵食，一個主食跟一個小食同埋飲品最平都係$78起，我就揀咗平時好少見嘅配搭，用咗新鮮芒果肉同埋魯肉飯嘅配搭又鹹又甜好開胃，如果唔想食咁多澱粉，仲可以加$5將飯或者麵轉成豆腐底，咁就可以低碳啲啦，個魯肉唔會好肥膩，一個人食都唔會太Heavy小食方面，我就揀咗邪惡蛋之戀，即係芋泥肉鬆脆皮蛋餅，唔知裏面係咪落咗啲脆脆嘅關係，食落都真係幾脆口，芋泥、芝士同埋肉鬆嘅配搭鹹香十足，真係可以當一份主食咁食，因為食完一定夠飽肚，個人覺得比台灣食到嘅更加濃味而今餐嘅飲品我就揀咗芝士芋頭鮮奶，個奶蓋芝士好香滑同埋鹹鹹地，
觀塘區真係好多好好食既小店，雖然前排我先去完台灣，但食台菜既癮就一直都仲未熄滅🤗有一日，我突然間好想食夜市先見到既花生冰淇淋卷，好奇下search香港邊度有得食，點知又真係搵到喎🫣同埋位於觀塘既壹.01都可以食到呢款香港好少見到嘅台灣夜市小食，雪糕仲要係雲呢拿同香芋嘅味道，味道都同台灣食到既有九成相似㗎，以後想食過嚟觀塘就食得到😌除咗呢個甜品之外，我同同事都試咗其他嘅台式食品，份量又大又多，都幾抵食喎，下午茶同晚市都有九折優惠㖭啊
💁🏻♀️午市套餐 $78起
午市套餐都好抵食，一個主食跟一個小食同埋飲品最平都係$78起，我就揀咗平時好少見嘅配搭，用咗新鮮芒果肉同埋魯肉飯嘅配搭又鹹又甜好開胃，如果唔想食咁多澱粉，仲可以加$5將飯或者麵轉成豆腐底，咁就可以低碳啲啦，個魯肉唔會好肥膩，一個人食都唔會太Heavy
小食方面，我就揀咗邪惡蛋之戀，即係芋泥肉鬆脆皮蛋餅，唔知裏面係咪落咗啲脆脆嘅關係，食落都真係幾脆口，芋泥、芝士同埋肉鬆嘅配搭鹹香十足，真係可以當一份主食咁食，因為食完一定夠飽肚，個人覺得比台灣食到嘅更加濃味
而今餐嘅飲品我就揀咗芝士芋頭鮮奶，個奶蓋芝士好香滑同埋鹹鹹地，芋泥鮮奶真係芋泥多過鮮奶㗎，所以建議叫佢比外賣杯你拎住飲好啲，因為成杯嘢飲完又係會好飽，芋泥味道唔太甜，值得一試
💁🏻♀️台北夜市小食拼盤
呢個小食拼盤夠晒兩個人食，入面有台灣腸、花枝丸同埋鹽酥雞，台灣腸配咗蜜糖之後更加香甜，個皮好脆，唯一挑剔嘅係餐廳剪開咗條腸，冇得篤住嚟食冇咁過癮，鹽酥雞都有八至十粒，有啲成熟都仲有嘅感覺，而花枝丸就有三粒，所以我話呢個拼盤$40來講好抵食
💁🏻♀️花生冰淇淋卷
雖然店主話有芫荽會好食啲，冇計🤗我唔食，所以最後都係要走芫荽🌿入面分別有香芋同雲呢拿味嘅雪糕，仲有混合咗糖同花生粉嘅配料，再用煙煙韌韌嘅蛋餅包住所有嘢，口感豐富又煙靭☺️係我深深念念想食嘅味道啊
💁🏻♀️黑糖珍珠鮮奶
同事叫左杯黑糖珍珠鮮奶飲，啲珍珠都幾大粒，食落算煙韌，重點係夠曬大杯，飲到佢收工都仲有三份一杯
张贴
