十戶 (已結業)

正所謂人靠衣裝樹靠皮，今日經過土瓜灣，比呢間餐廳嘅裝修吸引到我，所以就入咗去放低啲錢 😆 一打開趟門，見啲裝修真係有花過下心思，雖然舖頭面積唔係話好大，但係都可以營造出頗有特色嘅風格，不過裝修係其次食物先係重點，試一試係咪合格先。😋螢光魷魚 ($68) : 魷魚 Size 偏大隻，而且餐廳係醬汁方面加咗柚子，估唔到效果又唔錯。鯛魚薄切 ($138) : 份量幾多 😍 刺身非常新鮮，肉質好鮮甜，而且又無筋 👍🏻 食果時可以點柚子醋，超超超超超級正 😋 性價比超高嘅刺身。豚腩肉包糖心雞蛋 ($48) : 脆口嘅豚肉包住糖心蛋，配埋個汁食真係好味到返唔到轉頭。😍富士蘋果豚腩卷 ($42)，燒牛舌尖 ($38) : 豚肉燒過之後又脆又香，配上清甜嘅富士蘋果，味道清甜得嚟帶幾分惹味 ; 牛舌尖啖啖肉非常有口感，唔洗配檸檬汁都非常正。十户特選壽司 ($238 / 8 件) : 壽司款式由師傅發板，每款都好正 😋 海膽又鮮甜，其他食材亦好新鮮，加上手握壽司每件大細啱啱好可以一啖一件。😋明太子玉子燒 ($98) : 上枱時熱辣辣，玉子燒整得唔錯，食落口感軟熟，而明太子份量亦合理。👍🏻茶漬飯團明太子