杜老誌大飯店 (已結業)

除左茶餐廳，另一樣好代表到香港特色既就係大排檔，灣仔有一間杜老誌大飯店，佢既裝修好復古，就係以80年代香港做背景，仲有好多霓虹燈。原來佢近日正式改為火鍋餐廳，有全新餐牌，夏天嘆住冷氣打邊爐係最正。懷舊濃沙嗲湯底$78我係第一次食沙嗲湯底，唔係好多間火鍋店有。果然好濃味，有種甜甜辣辣，仲食得出有花生香味，用黎做湯底好惹味。海鮮拼盤（二人份量）$388呢隻海鮮船好吸睛，係用一隻海鮮船裝住幾種海鮮，而且份量都唔少。鮑魚好新鮮，食落係彈牙。蟶子同大蝦都唔錯。隻肉蟹都相當大隻，而且有少少膏，食落好鮮味。西班牙豬肉 $82一碟原來都唔少，西班牙豬肉既肥瘦適中，因為沙嗲湯底本身已經濃味，所以叫豬肉食落就唔會太油膩。鮮腐竹$35除左海鮮同豬肉，仲叫左腐竹同娃娃菜。鮮腐竹食落好滑，而且仲會微微索到湯汁，但相對無響鈴咁熱氣同油膩。