影片
更多
2024-01-04
4277 浏览
千呼万唤，喺深圳食开嘅太二酸菜鱼，继之前喺澳门开分店后，终于嚟到香港喇🤩 仲要开成四间分店， 今日就去潮圣下先😆装修贯彻黑白风格，清晰有型，同深圳店一样，都会见到𠮶位卡通人物同埋不同嘅口号，例如＜酸菜比鱼更好吃＞及＜吃鱼拯救世界！＞😆😆真系非常过瘾😎订座都非常方便，港澳门店订座可进入链接登记信息，登记完成后会获得二维码，凭二维码到店出示即可入座👍👍餐厅安排咗我哋坐窗口位置，地方宽敞好舒服，餐厅用QR code落单，非常方便👍 食嘢之前梗系去攞一杯驰名嘅陈皮洛神花茶先啦，自己diy，非常好味🤤🌟麻辣小酥肉小酥肉有酥脆嘅感觉又够热，点辣椒粉好惹味，做小食一流👍🌟脆椒小皮蛋小皮蛋比较小食，一口一粒好过瘾，最紧要配埋佢啲脆椒食，绝对系呢碟小食嘅灵魂所在，好正😎🌟老坛子酸菜鱼我哋点咗二人份量，同深圳一样辣度系冇得选择，因为已经调教左😌 鲜味同辣度平衡得啱啱好🫶🏻 上菜嘅时候，职员会大嗌＜好吃的鱼来了！＞😂好有气氛😆 成个感觉返晒嚟😂味道方面，鲈鱼新鲜嫩滑， 食完鱼就要跟佢下个步骤，饮啖汤，汤头好鲜味，带点点辣劲，好正😍之后就试下将佢个酸菜配饭食， 呢种满足感太幸福喇😎我哋仲加咗配料，包括脆豆腐同
装修贯彻黑白风格，清晰有型，同深圳店一样，都会见到𠮶位卡通人物同埋不同嘅口号，例如＜酸菜比鱼更好吃＞及＜吃鱼拯救世界！＞😆😆真系非常过瘾😎
订座都非常方便，港澳门店订座可进入链接登记信息，登记完成后会获得二维码，凭二维码到店出示即可入座👍👍
餐厅安排咗我哋坐窗口位置，地方宽敞好舒服，餐厅用QR code落单，非常方便👍 食嘢之前梗系去攞一杯驰名嘅陈皮洛神花茶先啦，自己diy，非常好味🤤
🌟麻辣小酥肉
小酥肉有酥脆嘅感觉又够热，点辣椒粉好惹味，做小食一流👍
🌟脆椒小皮蛋
小皮蛋比较小食，一口一粒好过瘾，最紧要配埋佢啲脆椒食，绝对系呢碟小食嘅灵魂所在，好正😎
🌟老坛子酸菜鱼
我哋点咗二人份量，同深圳一样辣度系冇得选择，因为已经调教左😌 鲜味同辣度平衡得啱啱好🫶🏻 上菜嘅时候，职员会大嗌＜好吃的鱼来了！＞😂好有气氛😆 成个感觉返晒嚟😂味道方面，鲈鱼新鲜嫩滑， 食完鱼就要跟佢下个步骤，饮啖汤，汤头好鲜味，带点点辣劲，好正😍之后就试下将佢个酸菜配饭食， 呢种满足感太幸福喇😎我哋仲加咗配料，包括脆豆腐同埋薯粉，真系食唔停口🥰
🌟蛋酥软糍粑
甜品当然要叫佢嘅糍粑，香港做法加咗蛋，带一点蛋香味，配埋黑糖食真系非常之令人回味😎
食咁多间酸菜鱼，始终太二酸菜鱼系我首选😌 𠮶种香，麻，鲜，真系令人齿颊留香同埋非常之满足🥰 餐厅一口气开四间分店（ 九龙塘，启德，沙田同尖沙咀，而且目测员工数量非常之足够，整体用餐非常愉快🫶🏻 餐厅有好多唔同嘅gimmick，例如枱面上面嘅幸运纤筒，我见到好多食客都喺度玩，不得不佩服餐厅嘅创意 👍钟意食酸菜鱼嘅人绝对明白太二酸菜鱼有几正，有时返大陆都系为咗食佢，而家喺香港想食就可以食，仲等？快啲嚟试下啦🫶🏻
张贴
