影片
更多
2021-10-08
2285 浏览
因為 The Salted Pig 恆常供應多款素食，所以每次想食大餐就會約朋友去，今次試下葵芳新都會廣場分店，原來這間有落地玻璃採光超好，仲可以望下公園窗景好舒服！今次成功食到我最鍾意的芝士焗成個椰菜花，又試埋之前未食過的 Impossible 漢堡，再叫杯 Cocktail 同朋友傾未來大計確係爽。The Salted Pig 在葵芳新都會廣場餐廳樓層，地鐵站出天橋再上兩層就到。第一次吃這間分店，還以為也是情調空間，原來對住個大公園咁正！豬豬主題餐廳周圍都見到豬豬。準時12:00到達仲未開始多人，之後好快就坐滿，原來都幾多人來吃午餐，我諗係因為午市套餐 CP 值夠高的關係。我有提前兩日訂檯，所以店員留左窗邊半圓沙發位俾我，個日光影相好靚喎。餐牌每個項目由前菜到主菜都有素食選擇，仲有幾款係純素添！午市套餐都有素食揀架。之前幾次都係食新豬肉，今次試下 Impossbile Burger。烤原個芝士椰菜花 HK$118之前在荔枝角店吃過一次原個烤芝士椰菜花，覺得驚豔想再食好耐，不過今次無上次咁好食，但個芝士醬都夠澎湃既。Impossible Burger HK$168這個素食漢堡都生得幾
因為 The Salted Pig 恆常供應多款素食，所以每次想食大餐就會約朋友去，今次試下葵芳新都會廣場分店，原來這間有落地玻璃採光超好，仲可以望下公園窗景好舒服！今次成功食到我最鍾意的芝士焗成個椰菜花，又試埋之前未食過的 Impossible 漢堡，再叫杯 Cocktail 同朋友傾未來大計確係爽。
The Salted Pig 在葵芳新都會廣場餐廳樓層，地鐵站出天橋再上兩層就到。
第一次吃這間分店，還以為也是情調空間，原來對住個大公園咁正！
豬豬主題餐廳周圍都見到豬豬。
準時12:00到達仲未開始多人，之後好快就坐滿，原來都幾多人來吃午餐，我諗係因為午市套餐 CP 值夠高的關係。
我有提前兩日訂檯，所以店員留左窗邊半圓沙發位俾我，個日光影相好靚喎。
餐牌每個項目由前菜到主菜都有素食選擇，仲有幾款係純素添！午市套餐都有素食揀架。
之前幾次都係食新豬肉，今次試下 Impossbile Burger。
烤原個芝士椰菜花 HK$118
之前在荔枝角店吃過一次原個烤芝士椰菜花，覺得驚豔想再食好耐，不過今次無上次咁好食，但個芝士醬都夠澎湃既。
Impossible Burger HK$168
這個素食漢堡都生得幾高大，入面除了 Impossible Burger 之外，仲有生菜、番茄、芝士和牛油果，牛油果都成半個咁多架！Impossble Burger 煎得剛好，同埋我覺得下層個沙律醬都幾好食。
Negroni HK$78
Guava Royale HK$98
這杯我已經第二次喝，好簡單的氣泡酒加番石榴汁，非常好飲我鍾意！
葵芳The Salted Pig食大餐有靚景又有美食，真係一個唔錯的去處！
张贴
