影片
更多
2020-09-29
458 浏览
去遊樂場掟彩虹配咩食最好？梗係熱狗啦！荔枝角 D2 Place 商場最近開左間叫「Power Play Arena」的室內遊樂場，有小型賽車、籃球機、電單車機等好多遊戲玩，經過玩緊打鼓機的小朋友，仲搵到一間熱狗店 Line Up Hotdog，口味有特色之餘仲有素食選擇呢！同肉食朋友去食都無有怕！講開又講，D2 Place Two 真係成個迷宮咁樣，搭扶手電梯上一樓之後，如果你跟住地上面的指示行，你唔會搵到上二樓的電梯，這天同檯的三個人都遇到同樣情況，見到升降機就由一樓搭上二樓，只能說個商場設計好奇怪！anyway，這個室內遊樂場在商場二樓，面積都幾大架，仲有好室內小型賽車場。場內遊戲用儲值卡玩，都幾先進，好適合帶小朋友去玩。Line Up Hotdog 以外國街頭美食車為概念，主打的熱狗分為「經典熱狗Classic Hotdog」和「頑皮熱狗Playful Hotdog」兩大種類，頑皮熱狗即是沒有香腸的特色配搭，其中一款就夾椰菜花，素食者都可以食。店內的熱狗包特別找本地麵包工場製作，比坊間的「空氣麵包」更有咬口，肉食口味都幾多款既，我見最受歡迎應該係三重芝士肉醬。而當中最唔邪惡
去遊樂場掟彩虹配咩食最好？梗係熱狗啦！荔枝角 D2 Place 商場最近開左間叫「Power Play Arena」的室內遊樂場，有小型賽車、籃球機、電單車機等好多遊戲玩，經過玩緊打鼓機的小朋友，仲搵到一間熱狗店 Line Up Hotdog，口味有特色之餘仲有素食選擇呢！同肉食朋友去食都無有怕！
講開又講，D2 Place Two 真係成個迷宮咁樣，搭扶手電梯上一樓之後，如果你跟住地上面的指示行，你唔會搵到上二樓的電梯，這天同檯的三個人都遇到同樣情況，見到升降機就由一樓搭上二樓，只能說個商場設計好奇怪！
anyway，這個室內遊樂場在商場二樓，面積都幾大架，仲有好室內小型賽車場。場內遊戲用儲值卡玩，都幾先進，好適合帶小朋友去玩。
Line Up Hotdog 以外國街頭美食車為概念，主打的熱狗分為「經典熱狗Classic Hotdog」和「頑皮熱狗Playful Hotdog」兩大種類，頑皮熱狗即是沒有香腸的特色配搭，其中一款就夾椰菜花，素食者都可以食。
店內的熱狗包特別找本地麵包工場製作，比坊間的「空氣麵包」更有咬口，肉食口味都幾多款既，我見最受歡迎應該係三重芝士肉醬。而當中最唔邪惡的一定係素食椰菜花松露狗。
喜歡食辛香料和醃野的話，唔好錯過店內的「自由添加配料吧」，入面有新鮮洋蔥碎、黑橄欖、熱狗醬、酸青瓜、醃甘筍及蔥花等免費任你加，讓客人充分體驗「車仔熱狗」的文化。
椰菜花熱情松露狗 HK$48
椰菜花、熱情果松露醬、芥末香鬆、脆米、青瓜絲
熱狗包入面無熱狗腸，取而代之的是一棵棵清爽的椰菜花，配搭青瓜絲和松露醬，吃起來都幾無負擔，上面仲有粒粒脆米增加口感呢。
搖搖薯條 HK$26
喜歡吃香口野的話記得試埋「搖搖薯條」，可以自選青花川椒鹽、紫菜、喇沙或咸檸七味粉口味，我覺得咸檸七幾有趣，鹹鹹辣辣咁樣好得意。
冷泡茶 HK$28 / 冷泡咖啡 HK$28 / 鮮果汁 HK$22
飲品除了汽水之外，也有比較健康的選擇，包括冷泡茶、冷泡咖啡和在香港新鮮榨的天然果汁。
本地精品雪糕 HK$28
食完熱狗仲有甜品食，店內提供香港雪糕品牌I-Scream的多種口味意大利雪糕，仲有純素友善的芒果雪葩，仲會不時推出期間限定口味呢！
最近成日無啦啦落大雨，都要搵定d室內地方玩下，有遊戲玩有熱狗食，可以帶屋企小朋友來喲。
张贴
