楚撚記大排檔 (日富里百好大廈) (已結業)

楚撚記原隻脆皮炸豬手 $166豬手炸得超級脆口、連皮帶肉咬落去層次好豐富！炸到金黃酥脆，一啖入口皮脆肉嫩，仲帶有少少油香，一啲都唔覺得肥膩，覺得單調仲可以配芥辣醬或者甜甜醬添！-菠蘿拔絲咕嚕肉(梅頭) $119個樣顏色好靚，菠蘿同蜜桃酸酸甜甜，咕嚕肉又嫩又香，可以沾埋佢個醬汁食，簡直好食滋味。隔離仲拉左一舊拔絲，成道菜個賣相即刻好有立體感，睇得又食得。作為一個粵式經典，真係難得一見嘅水準。-飛天通菜煲 $92通菜整到特別滑嫩，仲吸收到湯汁嘅鮮甜味。加埋幾粒蒜泥進去，就更加爽口開胃，食起嚟非常清新爽口。-楚撚豬油撈飯 $25/碗豬油撈飯看似平凡，實為最經典粵式小吃。用砵仔裝住夠晒懷舊味道。飯粒完全吸收到濃郁嘅豬油香，雖然好邪惡，但係真係好好食！豬油、豉油、蔥、芫荽全部另上，鍾意加幾多可以自己控制。