瀛豐放題料理專門店 (已搬遷) 新店位置

👶🏻小朋友唔使返學，本身以前中午飯日日都係學校到食，依家就日日我都要煮俾佢地食，最近開始冇咩idea， 啲款式開始重複 ，俾小朋友投訴話食嚟食去都係嗰啲款🤣好啦，見就開學，就帶佢出街食放題，興奮到不得了！終於有得出街街 又唔使成日食媽媽煮嘅野食🤷🏻‍♀黎到餐廳之後，神奇嘅事情就發生了，明明佢係屋企日日食飯都好唔聽話，又要人餵，自己又唔肯食，點知嚟到呢度，突然好似胖妹上身咁，食極都話食唔飽，食完一件壽司又一件，之後仲食咗好多串串燒🍢雞翼🐥同八爪魚🦑等等 好似想食左間鋪咁 點都唔肯停😂爸爸同我就瘋狂食佢地嘅最正嘅生蠔🦪同刺身，兩者都夠晒肥美，食完凍野，又食返泰國菜式暖返下，平衡返😆感覺好正！一個放題可以食齊日式和泰式，都幾新穎。食完返屋企嘅時候 ，BB同我講:「媽媽我今日真係好開心啊，又有得食咁多好味嘅食物，又有得同爸爸媽媽一齊出街街。☺」見到佢咁開心 我同爸爸都非常開心😁決定下次舉家一齊再黎過！