影片
更多
2021-03-22
475 浏览
今日同老公去葵涌廣場行街, 比起對上一次(上年10月)黎既時候人流明顯減少, 所以我地都行耐左, 各式各樣既小店都有, 最印象深刻係有間📚補習社係條行人走廊度開左張枱比學生溫書, 好有趣既畫面。今日LUNCH交比老公拍板, 佢揀左食車仔麵, 我仲以為佢會揀拉麵, 因為佢有講過話葵芳有間拉麵店叫麵屋丸京評價不錯, 問佢點解唔揀拉麵, 佢話難得黎到葵芳梗係食返D地道港式食物啦。我覺得可以用車水馬龍黎形容孖寶車仔麵既店況, 人流源源不絕, 唔止店員動作敏捷, 就連客人進食速度都好似開左💨TURBO咁, 望住身邊既客人入坐, 點菜, 等候, 進食, 離開然後又有新既客人入坐(我地手腳都已經唔算慢)。值得一讚既係雖然店員做到無停過手, 但服務態度也不錯, 友善。我點左蘿蔔, 齋面根同牛雜米粉, 老公點左貢丸, 牛腩同沙嗲牛肉油麵。蘿蔔炆得軟硬適中有入味, 齋面根我以為係酸齋既意思原來唔係, 原本係指無醃到既齋, 佢真係同齋一樣既口感只係無醃到, 也不錯, 當然如果係酸齋會更好。牛雜洗得乾淨無怪味也炆得軟腍。不過我另外加左$2要沙爹汁份量偏少, 唔係好夠味。問老公佢嗰碗如何, 佢淨係話貢丸質素好過
我覺得可以用車水馬龍黎形容孖寶車仔麵既店況, 人流源源不絕, 唔止店員動作敏捷, 就連客人進食速度都好似開左💨TURBO咁, 望住身邊既客人入坐, 點菜, 等候, 進食, 離開然後又有新既客人入坐(我地手腳都已經唔算慢)。值得一讚既係雖然店員做到無停過手, 但服務態度也不錯, 友善。
我點左蘿蔔, 齋面根同牛雜米粉, 老公點左貢丸, 牛腩同沙嗲牛肉油麵。蘿蔔炆得軟硬適中有入味, 齋面根我以為係酸齋既意思原來唔係, 原本係指無醃到既齋, 佢真係同齋一樣既口感只係無醃到, 也不錯, 當然如果係酸齋會更好。牛雜洗得乾淨無怪味也炆得軟腍。不過我另外加左$2要沙爹汁份量偏少, 唔係好夠味。問老公佢嗰碗如何, 佢淨係話貢丸質素好過譚仔米線。
宜家好多新式既車仔麵店對湯底同食材處理都好講究, 走精緻路線, 從眾多競爭者中尋求與眾不同的味道, 而孖寶車仔麵就比到我一種返去小時候既感覺, 就好似以前媽咪係街市買碗車仔麵外賣返黎比我地既嗰種粗獷而懷舊味道, 兩者我都鍾意。
张贴
