奇樂快餐店 (已結業)

新翠無論係商場又或者係餐廳，你都會見番以前既香港。而唔係呢家一式一樣，名店林立，淨係服務人民幣既所謂商場。而奇樂更加係一個時間囊，比一班細路仔，年輕人親身感受以前既港式快餐店係咩既一回事。入面既擺設裝修，一磚一瓦都散發出懷舊既味道，每一樣都有佢地既歷史。裝潢並無刻意，只是保留傳統，我諗呢個就係店主堅持既理念。好啦，咁食左d咩呢？今次我都係食我既例牌－茄汁雞扒飯。雞扒黎講，成塊面咁大塊超抵食，而且雞扒係即叫即煎。最後，加埋杯汽水都係$32。香港小店加油！