影片
招牌菜
食记 (19)
从网络得知奇乐就快唔做了，新翠又一平民食堂消失。读中学时，因为学校在附近，时不时都帮衬。现在，还在附近工作^^"，今次知它就快唔做，于是约埋同事一齐回味(这一个月都食了好几次^^")来奇乐，最正的是炸鸡脾饭，餐牌没有，直接同姐姐讲，一个31元唔包野饮。比手掌大的炸鸡脾，刚好卖完，要等他们炸，所以等了一会。刚炸好的鸡脾又脆又好食，鸡脾肉质结实，而且好入味，食了半只已经开始饱，饭只食了很少，好浪费，下次都是单点一只鸡脾好了。要试快点~!
继续阅读
得知奇乐快餐店将要结业的消息，身为鸡脾迷，点可以唔把握最后机会去试下。但炸脾之路，"荆棘满途" 点解咁讲，我第一次去，炸脾刚刚售罄，那唯有试下佢个猪排包配热华田，但感觉普通，猪排包份量够味道尚在但没咩特别。热华田淡而无味。虽然系咁，但我黎奇乐快餐店食既都唔系猪排包，咁梗系要再试。跟住我就系第二日再去，但我唔知星期五奇乐休息，咁又白行一趟。 今日，三顾奇乐，终于有机会食佢地远近驰名既炸脾。 我到时正值食饭时间，当俾左钱后，先发觉要挂好耐，不过没所谓，我都等左几日再等多阵都无妨。等左十分钟到，炸脾饭整好，噢原来炸脾饭有得简汁，例如黑椒汁，茄汁。咁我个个系茄汁。 个茄汁都唔错，唔会太酸几开胃，唔使几分钟食哂碟饭。好野梗系留系最后，要试只炸脾。哗只炸脾好大只好足料，睇落几靓仔，而且都几香，唔知食落口点。 鸡脾肉好嫩好多汁，正！虽然系咁但炸脾个鸡皮又几脆不过可以再好，有啲位唔知系唔系炸得太耐，有啲硬。 鸡脾肉好入味，好有肉味，回味无穷佢咁大只但都炸得咁嫩滑，值得一赞个火候控制得唔错。 整体来讲，炸脾水准之上，色香味俱全，抵食性价比高，31蚊有咁大只脾同饭配个靓汁。 可以再试。 讲真，奇乐既炸脾真系名不虚传，唔系几想佢结业。系结业前可以一尝奇乐炸脾，我心满意足，如果能够揾到其他地方再开业，我一定会再帮衬。题外话，奇乐既拿餐方式应该要改善下，我排队个阵有少少乱，好多顾客其实唔多知边个餐系自己，要留心听先知其实有啲麻烦，咁样搞到伙计同食客难做就唔系几好。
继续阅读
从网上媒体得知位于大围新翠邨的老牌港式快餐店《奇乐》因租约期满，而将于本月底结业。（上图为封面照）******************************两口子趁尚余时间不多，特意前来回味一下。店子的食品定价相宜，因此深受附近街坊及学生欢迎。两口子年前居于附近时，偶尔也会前来吃午餐或下午茶。这类型的水牌已「买少见少」了…店子的运作模式是先到收银处购票…再把机印发票拿到水吧，等候店员将食物准备好再自行取餐。水吧是半开放式的食品制作区，整个制作过程可谓一览无遗。由于前往当日正好是吃饭的黄金时间，加上不少特意前来缅怀的食客，令食物流转得快，故所有东东都是现点现制。装潢陈设一砖一瓦都充满岁月痕迹，看来老旧，却是其特色之一。两口子分别点了鸡髀饭（$31）及鸡扒饭（$34），另加冻奶茶（$5 x2）两杯。当日的炸鸡髀跟昔日一样大得几乎把碟子覆盖，加上新鲜炸起，吃来外皮脆口，肉汁丰腴。只略嫌食味较咸，似乎店员于腌肉时「重手咗」。饭量对女生来说蛮多，没有煮得太腍或太硬，上面淋有港式茄汁，够我拌饭来吃。男友怕麻烦，所以点了没有骨的鸡扒，这个味道就调得比炸鸡髀正常。总消费$75，平均一人付三十多元就有肉有饭有饮品（只是没有菜而已）兼吃得饱饱，以现在的物价来说颇「抵食」。记得上年年尾跟新翠邨只是一街之隔、位于隆亨邨熟食亭的《X记大排档》「光荣结业」时，我曾慨叹非常，幸而（熟食亭）重建后店子得以重开（可惜听闻原本位于同一熟食亭的港式茶档已没有了）。 想不到这年头又要为《奇乐》送行，旧日街坊式人情味商店逐渐消失，连锁店及奢侈品店等等于各区屋邨商场百家争鸣，每区都是一式一样倒模般的店子、要不就是平均消费较高的食肆，这是真.香港人想要的吗？
继续阅读
虽然住喺附近咁耐，但今次只系第二次食，听闻就执笠，所以去帮衬一下。正值新年假期，唔算多人，唔想食太多，就单点炸脾，比完钱拎住飞仔去吧枱，厨师哥哥就叫我放低飞等。因为炸脾即炸要等，只好乖乖坐定定。等咗大约十分钟，终于有得食，由于即炸关系，所以炸脾好热辣辣香喷喷，不过鸡皮唔够香脆，而且有一半皮唔见咗！而味道唔均衡，入面嘅肉无味，肉质比较老比较鞋，而外皮有啲位无味，难得某啲位有味，无奈味道偏咸。不过鸡脾 Size 几大，基本上食一只已经好饱，$22 嚟讲，都算抵。整体而言，失望。
继续阅读
新翠无论系商场又或者系餐厅，你都会见番以前既香港。而唔系呢家一式一样，名店林立，净系服务人民币既所谓商场。而奇乐更加系一个时间囊，比一班细路仔，年轻人亲身感受以前既港式快餐店系咩既一回事。入面既摆设装修，一砖一瓦都散发出怀旧既味道，每一样都有佢地既历史。装潢并无刻意，只是保留传统，我谂呢个就系店主坚持既理念。好啦，咁食左d咩呢？今次我都系食我既例牌－茄汁鸡扒饭。鸡扒黎讲，成块面咁大块超抵食，而且鸡扒系即叫即煎。最后，加埋杯汽水都系$32。香港小店加油！
继续阅读