老北京 (渣甸中心)

营业中

休息中

今日同屋企人去銅鑼灣食晚飯，屋企人好鐘意食中餐，我特登去左銅鑼灣一間北京菜館，食一個北京菜晚餐！食物全部交由屋企人負責！我地先叫前菜，四喜烤夫和海哲！烤夫充滿醬油香，入口濃香滋味，冰冰的豆乾吸哂醬油香，簡單不失味道！海哲夠爽脆，味道帶點酸香，非常開胃！片皮鴨係我地的重頭戲，薄薄的薄餅皮包上鴨肉和鴨皮，加上特製醬汁，入口濃香滋味！鴨肉唔會乾身，鴨皮味道香口唔會肥膩！之後我地叫左一個雲呑雞煲，雲呑粒粒肥大飽滿，菜肉餡豐富，入口菜香肉餡多汁，原隻雞煲出濃香雞湯，唔會好油，好滿足！我地叫左幾個小菜，糖醋排骨最岩我口味！排骨入口肉質鬆化，酸甜醬汁入口夠哂開胃，排骨唔會乾身掛上濃香醬汁！上湯津白是必叫蔬菜之一，津白爽甜，入口清甜清新，媽咪最愛！我地再叫左孜然羊肉，鑊氣非常足夠，羊肉香嫩香滑，唔會太油！醬汁味濃不失羊肉獨有的味道！最後必試北京水餃，水餃皮薄，菜肉餡多，一口一隻勁滿足呀！最後仲有薑汁湯丸做甜品！