唐記包點 (安泰街市)

营业中

休息中

最近喺觀塘返工，平時為咗慳錢一定帶飯。但因為呢幾日屋企人無煮飯，唯有出街食。一直以來都有食開唐記包點啲飯，夠抵夠平之餘，仲要好夠飽！今日lunch我嗌咗個鹹魚肉餅飯、馬拉糕同埋山竹牛肉球！我係咪好為食呢！哈哈！講下個飯先，啲飯嘅份量非常大兩個人食都一定夠，而肉餅嘅份量都好足夠，好厚身！鹹魚就唔會話好咸，味道啱啱好！講到山竹牛肉球，呢個一定係我每逢去茶樓必點嘅點心！牛肉球都有手掌¼咁大，肉質中等！下面仲配有枝竹托底！馬拉糕去到最後做下午茶先食得落，因為實在太飽！$10都唔使咁大舊，而且好鬆軟比茶樓還要好食，真係好值得推介！