十三少 (已結業)

今日去咗香港仔呢間十三少酸菜魚食午餐，餐廳嘅位置相當隱蔽，要喺呢一間興發嘅舖頭對面嘅巷仔行入去先到！💡午市套餐其實非常之抵食，都係$60左右一個餐；但係由於今日同朋友都非常之肚餓，叫咗個二人餐嚟食，埋單人均大概HK$170。💰土豆絲前菜就有土豆絲，有小小嘅驚喜，土豆絲帶着酸辣嘅味道，十分開胃。👅蒜泥青瓜本來諗住叫椒麻皮蛋，點知又冇；土豆絲前菜又食咗，所以就叫咗呢個蒜泥青瓜，點知又有驚喜，出乎意外咁食到停唔到口！😱乾煸四季豆辣辣地幾過癮，唔經唔覺又食咗一碟菜。😬水煮魚一開始嚟錯咗嚟咗個酸菜魚，再等多十零分鐘先上咗個水煮魚。非常之大碟，配料唔算多，啱啱好，魚肉較多又夠滑，相當唔錯！🤩