十三少 (已結業)

放假問媽咪有咩想食 佢話想食豬手 我就search吓附近有咩食店有豬手食 搵到呢間食川菜叫做十三少酸菜魚既店鋪 我哋見到呢間店名叫酸菜魚所以就決左試吓佢哋既酸菜魚 要唔辣 想就咁食original既酸菜魚 嚟到真係幾大盤吓 有好多魚塊同酸菜 夾極都有 十分抵食 除咗酸菜魚之外 我哋叫咗媽咪今日點名想食既麻辣豬手 豬手好軟滑 皮嫩肉滑 仲好入味 啖啖充滿住骨腸咁味道同口感上都好豐富 連媽咪都話正另外我就幫老豆叫咗樣小炒撈飯 叫咗個麻辣香鍋 佢勁鍾意食啲蓮藕片 好香口惹味 佢仲送咗兩碗飯 食到好滋味咁款 而我都就好鐘意食皮蛋既 所以就叫咗碟椒麻皮蛋 皮蛋彈滑吸咗椒麻既精華 幾香辣惹味 呢度既食物都幾對我哋既胃口 相信之後會再同屋企人再嚟過丫