美心MX (新文華中心) (已結業)

美心要算是進取的集團，有中式酒樓，有西餐廳，有麵包，有蛋糕，有月餅，也有意大利菜......應有盡有，服務香港人都已經有一段很長的日子，老人家喜歡早餐/下午茶，年青一代鍾意她的快餐，一家大細晚上也會來火鍋/小菜/鋸扒。每逢星期四又到返學時間，趕得切經過這間美心，會幫襯她的下午茶，今日食xo醬撈出前一丁，配半份西多，加多個咖哩豬皮魚蛋蘿蔔。這個xo醬撈面，有麻油，熱辣辣煮出嚟十分惹味，越食越辣，跟個撈面蔥花湯，喜歡吃辣嘅朋友一定要試。半份西多啱啱好，牛油糖漿不可少，邪惡極了!這個咖哩三寶有點可惜，放涼了，如果熱食會更理想，咖哩汁香濃美味，小小辣，可以加個白飯，更正。當然一定有最愛的港式奶茶，外賣到上堂先喝。幾十蚊有交易，香港唔係大集團，畀唔到呢個價錢，支持香港本地企業。