影片
更多
2020-04-18
2768 浏览
🎐即興放假又即興行山，今次由大圍出發行下城堡水塘再上城門水塘落荃灣，路線唔算難行，輕輕鬆鬆3小時內完成。✌🏻📌落到荃灣美食天堂，緊係揀間又平又正的食店坐得慢慢歎。📌熊妹賓妹仨人行👩👧👧最岩就食一盅三件喇。熊妹知道《光榮冰室》老闆係隔離開左間《全記》點心專門店，屬於香港人的飯堂當然要黎撐場喇💪🏻。📌嘿嘿，5點15分黎到，仲趕得切呢個下午茶大優惠，下午2:30至6:00，所有點心一律$13，唔一定要6點前埋單，只要6點前叫哂想食的點心就得喇，不過留意返，只限堂食同假日暫停⏸️。📌內裡四人卡位多，地方寬敞。📌天花吊著一個個大鐵籃，裝著一個個點心籠，裝潢幾特別。📌牆上仲掛滿一排排刻上招牌點心的匾牌，古色古香，真沒想到今時今日的新派點心店仲有咁有心思的懷舊擺設，值得一讚。📌開飯喇！各款點心包羅萬有，$13咁平真係想叫哂去。即叫即蒸的點心熱辣辣上枱，款款皆滋味，簡直係點心放題。基本野蝦餃、燒賣、金錢肚、鳯爪、蝦春卷、蘿蔔糕全部大大件夾抵食，味道正常。包類有黑金流沙包，唔算太流沙，同埋蜜汁叉燒包，迷你版，餡料少左啲。脆皮蝦腸同炸兩腸味道差唔多，脆卜卜的炸兩包裏住蝦肉，外層仲有軟滑的腸粉皮，再點辣椒
📌落到荃灣美食天堂，緊係揀間又平又正的食店坐得慢慢歎。📌熊妹賓妹仨人行👩👧👧最岩就食一盅三件喇。熊妹知道《光榮冰室》老闆係隔離開左間《全記》點心專門店，屬於香港人的飯堂當然要黎撐場喇💪🏻。
📌嘿嘿，5點15分黎到，仲趕得切呢個下午茶大優惠，下午2:30至6:00，所有點心一律$13，唔一定要6點前埋單，只要6點前叫哂想食的點心就得喇，不過留意返，只限堂食同假日暫停⏸️。
📌內裡四人卡位多，地方寬敞。
📌天花吊著一個個大鐵籃，裝著一個個點心籠，裝潢幾特別。
📌牆上仲掛滿一排排刻上招牌點心的匾牌，古色古香，真沒想到今時今日的新派點心店仲有咁有心思的懷舊擺設，值得一讚。
📌開飯喇！各款點心包羅萬有，$13咁平真係想叫哂去。
即叫即蒸的點心熱辣辣上枱，款款皆滋味，簡直係點心放題。
基本野蝦餃、燒賣、金錢肚、鳯爪、蝦春卷、蘿蔔糕全部大大件夾抵食，味道正常。包類有黑金流沙包，唔算太流沙，同埋蜜汁叉燒包，迷你版，餡料少左啲。
脆皮蝦腸同炸兩腸味道差唔多，脆卜卜的炸兩包裏住蝦肉，外層仲有軟滑的腸粉皮，再點辣椒醬一流。
甜品仲有紅棗糕同煎堆仔，係奶黃餡架🤩，芝麻好香，煎堆軟糯，好味！
大食賓妹食咁多都唔夠喉，臨尾仲encore多籠蝦餃同蝦腸，撐破肚皮都食唔完喇。
有鐵觀音同普洱，不過係用上茶包的，新派點心店唔係茶樓嘛。
📌一餐抵到爛的點心餐，食到嘔都係每人$6x，呢個時勢真係生意艱難。
📌香港，加油💪🏻
张贴
