知魚知樂 (已結業)

今次去黃埔食飯，經過一間好中式嘅烤魚，如果你鍾意烤魚、海鮮同串燒嘅朋友，呢間餐廳提供嘅菜式真係唔錯，本來想外賣，因為店舖做緊外賣＄１０優惠，好吸引，但朋友話驚拎住好多野係手，最後堂食。1.鮮青花椒味烤魚(買烤魚送肥牛⭐️）free*用嘅係清江魚，魚肉鮮嫩，青花椒嘅微麻感真係增添咗好多風味，辣度適中（如果食得辣可以選中辣以上）。烤魚入面有free配菜，豆芽清脆，娃娃菜鮮嫩，蓮藕帶甜，三者搭配得好好，平衡咗魚肉嘅油膩感。2.串燒部分亦*烤韭菜香味四溢，口感非常好；烤魷魚鬚烤得正好，外脆內嫩，海味十足；烤牛肉肉質柔軟，醃料入味，每一口都令人滿足。而烤雞軟骨嚼勁十足，食完一串仲想再要。蒜蓉烤茄子*就蒜香濃郁，搭配口感滑嫩，次次燒烤必叫之一。3.飲品方面（百香果檸檬茶、鴨喜香檸檬茶）少甜少冰清新爽口，非常適合搭配呢啲味道較重嘅菜式，令整體用餐體驗更加圓滿。整體而言，呢頓餐點喺５００左右元嘅價位，無論係味道、質量定係多樣性都相當出色，非常適合聚會！