影片
更多
2025-05-12
298 浏览
泓一喺網上評價好兩極，有啲人勁讚，特別紅磡舖俾人捧到神級，幾乎可以反攻日本咁款；有啲就勁鬧，話隔籬街乜乜物物好食幾多幾多倍，讚親都話係打手。我又覺得讚就讚，彈就彈，但郁啲話人打手呢啲批鬥思維根本脫離晒評論本質，無益於事。同老婆一齊去食，一早去到，唔使等位，一人一碗，煮干同雞白。出麵都算快，賣相真係唔錯。煮干算幾清，冇溝豬骨湯，純煮干湯底，咁樣做得出都對自己個湯好有信心下。味道真係幾好，清甜，鮮味，輕輕嘅乾貨味，唔苦，想試下煮干嘅人唔使卻步，但我就想佢乾貨味再重啲，啲魚骨內臟味再明顯啲就好。麵係佢哋賣點，加多水熟成麵，我估就係兌水比例高嘅麵，照計就索湯啲。食落就係索滑嘅，麥味一般，索水都快，好彩我食得快，唔係食到尾應該腍晒。雞白湯，湯面浮晒白泡，但唔係做個樣，真係有味。雞白湯真係好夠雞味，係我呢個雞白新手食過最足雞味嘅湯。呢碗麵係佢哋所講少水麵，質實，有口感，係個人幾鍾意嘅麵身，可以再煙韌啲就好。講埋佢哋啲餸，蛋係超強，入味，流心，蛋味濃，唔知係咪蘭王之流。叉燒係慢煮嗰種，個人一般喜好，但都叫做好味嘅。整體嚟講，泓一（太子）點都係香港一線拉麵，就算話係俾人吹捧過度，佢本身都真係夠班。有人
同老婆一齊去食，一早去到，唔使等位，一人一碗，煮干同雞白。出麵都算快，賣相真係唔錯。
煮干算幾清，冇溝豬骨湯，純煮干湯底，咁樣做得出都對自己個湯好有信心下。味道真係幾好，清甜，鮮味，輕輕嘅乾貨味，唔苦，想試下煮干嘅人唔使卻步，但我就想佢乾貨味再重啲，啲魚骨內臟味再明顯啲就好。麵係佢哋賣點，加多水熟成麵，我估就係兌水比例高嘅麵，照計就索湯啲。食落就係索滑嘅，麥味一般，索水都快，好彩我食得快，唔係食到尾應該腍晒。
雞白湯，湯面浮晒白泡，但唔係做個樣，真係有味。雞白湯真係好夠雞味，係我呢個雞白新手食過最足雞味嘅湯。呢碗麵係佢哋所講少水麵，質實，有口感，係個人幾鍾意嘅麵身，可以再煙韌啲就好。
講埋佢哋啲餸，蛋係超強，入味，流心，蛋味濃，唔知係咪蘭王之流。叉燒係慢煮嗰種，個人一般喜好，但都叫做好味嘅。
整體嚟講，泓一（太子）點都係香港一線拉麵，就算話係俾人吹捧過度，佢本身都真係夠班。有人話同紅磡店仲要勁好多，但我又好難想像紅磡店可以勁到咩水平？唯一差嘅應該係性價比，佢坐底過百，超過咗唔少人食拉麵嘅心理關口。係咪因為咁「食家」們覺得佢要有驚為天人嘅味道先對合理？但認真，泓一係對得住個價嘅，反而好多過百蚊碗嘅拉麵係虛有其表；或者咁講，我覺得值得將食飯畢直留俾泓一。
张贴
