Le Viet (已結業)

之前喺尖沙咀見過呢間Le Viet，另一間分店就係旺角啦，行開旺角，想食下越南野，所以就嚟試下。喺門口已經發現餐廳基本上座無虛席，好好彩咁岩有客人走，我地唔使點等就入到去，而我地嘅期待亦提高不少。由於我地都比較餓，所以叫左好多野食。首先有咖哩鮮雞鍋配印度薄餅，咖哩味道香濃，香料十足，雞亦幾嫩，所以之後特地叫左碗白飯配咖哩食！我地叫左個海鮮，辣椒膏炒大虎蝦。辣椒膏份量好多，香料有香茅，香蔥，洋蔥，蒜頭，辣椒，泰式蘿勒等。大虎蝦夠大隻亦好索到汁，蝦嘅份量亦唔少，值得推介！另一個手撕雞撈檬，乾蔥增加香氣同口感，醬汁清新，為重口味嘅咖哩同辣椒膏中和一下。蒜蓉炒椰菜苗就正常啦，椰菜偏硬。野飲叫左一杯青檸梳打同一杯奶茶，正常水準！整體而言，味道有保證，去開旺角不妨試試！