震陞雲南美食

营业中

休息中

好鐘意好鐘意食雞煲，特別係天氣涼浸浸更加鐘意食呢啲熱辣香口野。今日去完新都會廣場睇完戲就落去葵涌運動場附近搵野食。呢間震陞雲南美食原來唔只係食雲南米線，仲有小菜可以叫。我地幾個朋友都想食啲辣野暖下胃，叫左一個雞煲，上枱炸炸聲，食落又香又辣好惹味，仲有啲雞都好多件架，佔左個煲嘅7成都有！除左雞煲仲叫左碟椒鹽鮮魷，好鐘意食呢個餸，因為外面脆入面軟好好食，上面亦都灑左啲金蒜好香口好脆。最後呢個啫啫通菜煲都超香，熱辣辣好好食！