震陞雲南美食

羊腩煲 大的$480送山菜一碟，羊肉份量十足，沒有一點羊臊味，最入味枝竹，有埋豆卜，牛柏葉更好，今日生菜質素一般。腐乳醬好食。 啫啫通菜煲 啫煲居然冇吱吱聲，扣分扣分，而且芥蘭有渣，不過就分量十足。4人入座，再加3支飲品，1個白飯，共620。環境擠迫，大排檔風格，環境一般。…查看更多

葵芳大排檔風味，有火鍋、雞煲、水煮牛/魚、小菜、炒粉麵等等多個選擇。飲酒敘舊好地方，環境有機會比較嘈雜，始終比較似大排檔（雖然係入鋪），但係嘢食味道比出邊大排檔好。只做夜市，冇午市。即叫即做，如果想食一早嗌定，因為要等。蝦好爽脆，好新鮮，有大有細揀。酸菜魚，可以改打邊爐用爐熱住嗌打邊爐料加落去爽脆涼拌魚皮，配上酸辣汁，非常推介的開胃前菜。魚皮好脆又夠凍，如果餸啤酒🍻真係幾多都食得落另外有個黃金雞軟骨，因為好快比人食晒，所以無影相，但岩岩新鮮岀爐熱辣辣，入面又無炸到乾晒，正！遲啲一定會再試多幾樣野…查看更多

今晚突然好想食海鮮，上網睇左一陣就臨時約埋媽咪去葵芳搵食。喱間鋪同對面一間茶餐廳原來係一齊既。可能因為父親節，我地都等左半個鐘先有位。✨海鮮種類多，價錢合理。個menu選擇都算多，又唔係好貴，上菜速度好快，基本上10分鐘左右就有野食。講下我地嗌左咩先。🦀避風塘炒蟹我自問係避風塘炒蟹專家，由3歲就開始跟屋企人搵食！但喱個蟹真係有少少令我失望，隻蟹偏細，啲避風塘粒粒非常硬，我差啲分唔清到底係蟹殼定炸蒜？不過啲蟹殼廚師都一早處理左，唔會話好難開黎食！🐚豉椒炒蜆喱個餸啲汁廚師似乎打左個芡，啲蜆好掛汁同出面做法有啲唔同，上菜個時出曬煙，真係新鮮炒既！🎋腐乳炒通菜估唔到喱碟菜竟然係我最愛😂啲通菜炒得好爽脆又好有腐乳味，送飯🍚一流👍🏻👍🏻 我仲食緊蟹個時媽咪已經清曬碟菜😂😂題外話我見同場有客人想食蝦但賣曬，個店員仲走去惠康同街市睇下有無得買😂😂服務真係一流！總括然而，喱啲咁有人情味既食店都好值得我地支持既✌️…查看更多

和好朋友們一行八人在葵興觀賞完香港首個長壽音樂劇“我們的青春日誌”後，朋友忽然想吃大排檔，就用OPENRICE搜尋附近有沒有，發現葵芳有震陞，朋友二話不說就打電話查詢有否八人座位。餐廳老闆回覆替我們即時留起，也告知我們是連著卡座的位置，而且也不用我們留電話，採取相信客人的本意。👍餐廳分開兩個鋪位，其中一個是圓枱為主，另一邊就是冰室茶餐廳的格局，我們被安排後者，餐廳燈光光猛，枱面乾淨，只是餐牌有點痴立立油漬相較多，是今餐飯唯一需要注意的地方。食物質素方面優班，吃到我們每一個人都十分滿意，特別推介下面幾道小菜：❤️震陞小炒王用上乾魷魚條，鮮魷魚塊，”九”菜，腰果，加上辣椒一併炒，很滋味，用來送飯一流，連席上的兩位小朋友都讚不絕口。🥳🧡酥炸蠔餅這個蠔餅和我平時吃的不同，這個用上大量炸粉，加上為數不少的小蠔粒，吃落口感輕盈，這個一百分👍👍其餘的小菜也相當不錯，可能自己很少去大排檔，不太熟悉特色菜式，我對一個菜式很印象深刻，它就是就是涼拌魚皮。💛口感特別，凍的吃法確實第一次嘗試，拌著辣汁很滋味，點了辣汁升華了味道，無點就很清新，魚沒有腥味，讚👍附上其他點了的大路菜式：題外話：因為滿桌都是食物，我們又希望把最後到來的烤魚放置枱面的中間位置，告知老闆我們的想法，他親力親為，二話不說地請我們其中一位靠近門口的朋友離開座位以免滾燙受傷，然後迅速把一個新爐放在中間，再放回烤魚盤，確實很細心呢，絕對是加分位。😃🪄…查看更多

家庭聚會食慣酒樓想食番啲 有鑊味 餸菜若是去咗 葵芳 附近d 打冷大排檔 試下會唔會有特別啲 嘅食物招牌菜 麻辣烤魚魚都幾大條 足夠五至六人食配料有腐竹蓮藕 木耳 芽菜條魚係烤得幾香 而且肉質唔梅 有口感但要留意 條魚上嘅時候唔係太熟需要烤多幾分鐘先食得麻辣雞翼每一隻雞翼都係炸得好脆 口感好好唔算太辣 而且有少少麻嘅感覺送飯都係唔錯嘅選擇咸魚雞粒炒飯呢個炒飯 應該係成餐最好食嘅廚師炒得好夠鑊氣分量都好多 肉粒都幾多屋企人話好好味最後忍唔住叫咗兩碟整體都唔錯 雖然係大排檔不過服務都算周到…查看更多

平時好少寫食評，覺得呢間餐廳有驚喜所以都試吓寫下啦。呢間真係名副其實嘅大排檔feel, 入邊有打邊爐同小菜。咁我哋三個人最後決定食小菜啦。最令我印象深刻嘅係佢個菠蘿咕嚕肉，我覺得係外脆內嫩嘅感覺所以印象好深刻！其他小菜都係唔錯好有鑊氣，我哋前前後後總共嗌咗四個菜。 可惜我哋咁小人食唔到太多嘢，下次再試其他嘢…查看更多

一家四口今晚出去呢間野食飯，我勸大家有小朋友都係無去呢間食飯啦，因為我細仔剛剛14個月.食飯個時食到周圍都有飯，生過小朋友同湊過小朋友都知道，小朋友係屋企食飯都係食到周圍都係，但係佢地既服務員就應該無生過小朋友同屋企都冇小朋友嘅，如果唔係就唔會等我地埋完單，仲企係門口就話我地小朋友食到一地都係飯，我地未走即係講俾我地聽啦⋯⋯我地聽到第一時又覺得好後悔來呢度食飯，我以後都唔再講幫襯佢地，我都勸你地帶小朋友唔好去呢間食啦。食完一肚氣，黑心服務員！…查看更多

三不五時便會來這裡食晚飯除了比較嘈吵這一個小缺點之外基本上我對這店所有評分到是好的畢竟一間餐廳最重要的就是食物質素晚市的時候 所有位都坐滿了外邊也有很多人在等候位置或者等候外賣相信街坊們都知道這間店很好吃吧我們兩個人叫了四味餸不錯 味道都適中九肚魚非常嫩口 不會太辣 椒鹽夠鑊氣也夠好吃！正常水準超級大堆這個！我每次來也一定要點的蝦非常新鮮 入口清甜有汁 爽口彈牙個人來說覺得他是我吃過的生蝦入邊 頭幾名的員工也非常好超級推薦…查看更多

初期開張系好好，越做越退步，今時今日堂食咁既質素真系垃圾，不如結業吧la! 獅蚶又咸又細隻，炒野細碟又容凍海鮮仲要肉梅吾新鮮，5、6碟野要成千幾蚊埋單，咁既價錢但食物真心不值價，茶餐廳都好食過佢d所謂既餸，食完吊到收吾到聲! 本來心諗咁耐冇幫襯應該會有改善吾信邪走左去幫襯，中晒招! 小食店都好食過佢地所謂既餸，食開大排檔既人會知道佢地廚房出既餸完全吾系做開廚房既人做的，白灼為何會放紅、青椒絲? 見到個廁所巳經知道衛生麻麻，食完返家結果肚瀉!永世吾會再幫襯! …查看更多

今日去咗葵芳約咗幾個老友，一起吹水食宵夜，當然除咗火鍋以外，還可以選擇食小炒送啤酒，也因為其中一位朋友住在附近，所以帶我們去了這間「震陞的食店」，一下門口便知道是主要做街坊的店內裏也沒有什麼漂亮豪華的裝修，全以街坊的佈局，但也總算叫做坐得舒服餐牌也很傳統小菜的安排也分別叫了三個不同的小菜麻辣班瑰，麻辣的味道剛好，入口能感覺到點點麻辣的感覺，肉也能保持鬆軟震陞小炒王，小炒就比較欠缺乾身，味道比較淡，幸好先有還算彈牙豉椒炒聖子，雖說是豉椒，也不要蓋過濃，導致蓋過聖子本身味道…查看更多

好鐘意好鐘意食雞煲，特別係天氣涼浸浸更加鐘意食呢啲熱辣香口野。今日去完新都會廣場睇完戲就落去葵涌運動場附近搵野食。呢間震陞雲南美食原來唔只係食雲南米線，仲有小菜可以叫。我地幾個朋友都想食啲辣野暖下胃，叫左一個雞煲，上枱炸炸聲，食落又香又辣好惹味，仲有啲雞都好多件架，佔左個煲嘅7成都有！除左雞煲仲叫左碟椒鹽鮮魷，好鐘意食呢個餸，因為外面脆入面軟好好食，上面亦都灑左啲金蒜好香口好脆。最後呢個啫啫通菜煲都超香，熱辣辣好好食！…查看更多

今晚開完會，同幾個friend去葵芳食小菜，去左信芳街既震陞，因為個friend想食涼伴魚皮～話好食～坐低後，個 friend二話不說order個涼伴魚皮及潮式螄蚶～涼伴魚皮，一般爽脆，味唔夠濃潮式螄蚶$78，好食～但細碟我地再order左幾多餸～小炒王～味道唔錯，都算有鑊氣椒鹽鴨舌-比想像中鹹蠔仔粥，一窩$88，味道okay，都算足料麻辣雞什-辣得幾過癮，夠曬麻辣鮮尤蝦乾通菜煲-入面都有幾多蝦乾，鑊氣都夠可能個friend比我太大期望，但涼伴魚皮冇想像中咁好食，因為唔夠爽…查看更多

正當相約了好友聚會，但又不知去那裡食的時候，朋友介紹到位於葵芳的{震陞雲南美食}，大家咪以為這間只是食米線類的食店，其實他還有火鍋及小菜，當晚我哋就試左佢哋嘅惹味小菜，在環境方面沒有奢華的裝修，但食品質素絕對一流，油炸筍殼魚，雖炸過，但皮脆肉滑，魚肉的鮮味仍然保持爽滑，首選推介啫啫通菜煲，味道絕不惹小麻辣雞球，味道爽口，麻辣味道沒蓋過雞的味道新鮮冰鎮生魚皮，魚皮爽滑。碟頭分量足夠，三個儍佬剛剛好，去開葵芳行街不妨去《震陞》試試。…查看更多

<葵芳唔起眼鑊氣特色小炒> 👍🏻😍 葵芳信芳街 間中經過開林士德體育館就會行番落去食大排檔😋 好多人平時都係食開喺街頭嗰兩間小炒打冷 但提大家千祈唔好漏左呢間<震陞>😉 雖然佢寫係雲南小炒 我亦唔知佢d小炒同雲南有冇關 (可能有一部分餸係我都唔識😂) 我淨係知 所有小菜都好正！ 1.好似椒鹽系列🍴鮮魷🦑九肚魚 🐟 雞軟骨🐥 出面既茨粉 夠薄夠脆 鮮魷 好彈牙新鮮 😍 雞軟骨 好有口感夠juicy 🤓 九肚魚夠哂軟林 而且整體好夠鑊氣 襯啤酒真係無得輸😈🍺2.🍴麻辣豬頸肉 🌶🐽用洋葱 爽滑既東筍🌿 辣椒一齊炒 豬頸肉🐷切得幼身 肥度適中 盡吸麻辣汁 🌶😈3.🍴避風塘茄子🌶🍆茄子俾避風塘炒過後仍然保留軟熟既口感😍 咬開出哂煙熱辣辣 🌶食落去少少辣夠香口夠惹味🍆😀 4.🍴啫啫芥蘭 🌿原鍋上既啫啫芥蘭上枱時仲唦唦聲 啫啫既醬料 好似d 辣椒 豬肉碎甘 🌶🐽香味撲鼻 芥蘭又夠新鮮 yummy! 5.🍴小炒王 😋魷魚🦑 腰果😀 菜莆☘ 麵根🥖蝦乾🦐 仲有最重要既韭菜花🌿 食過甘多小炒王 最緊要材料豐富新鮮同夠鑊氣 , 呢味合格之上 色香味俱存😋👍🏻6.🍴紅燒豆腐煲 😍🔥煲入面有軟滑既紅燒豆腐👍🏻蜆🐚 魷魚🦑 班腩 🐟 夠哂鍋氣 醬汁咸度適中 連埋葱花調味 yummy ! 🤓7.🍴生灼魚皮 🐟😀灼熟左魚皮跟住加上醬料凍食 魚皮爽滑彈牙🐟 配埋薑絲 辣椒🌶 葱花🌿 芝麻 花生碎等 點以甜酸醬 又開胃又好食👍🏻8.🍴獅蚶🦁🐚而家好少地方有獅蚶食，可能始終生食多菌 難揾到好新鮮 😕呢個獅蚶夠哂甜爽口 😉食落好夠鮮味 點埋酸辣汁更正😀🌶Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻🏻👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址#震陞雲南美食葵芳信芳街35 至37 號地下~~~~~~~~~~~~~…查看更多

久唔久就會來幫襯，立足打冷鋪中段，大大個藍色招牌，好易認。頭盤必食推介魚皮，唔會太重wasabi味之餘，魚皮又夠爽口！再加椒鹽雙拼，尤魚加九肚魚，一次過滿足晒2個口味，出面鋪頭只可單叫，呢度對客人真係多左份貼心，滿足到有選攞困難症、心大心細兩樣都想食的我們！今日老闆推介有竹節蝦，花螺，再加碼蒸扇貝，2隻都肯做比我地，好窩心呢！唔會過熟、新鮮！正！再來奄仔蟹粥，d粥又香又甜，大大鍋，足夠6人份度。伙記們亦不能不讚👍🏻，落單提醒我地唔好叫太多，因為呢度份量比出面大，絕對唔縮皮，價格仲好親民，有人情味之餘又有親切感，希望呢d地道小鋪可以繼續經營落去。…查看更多