圓老爺雞煲小廚 (已結業)

圓老爺係我屋企附近新開(應該都一段時間😂)，我都未試過，今日一於搵佢祭五臟廟😁其實入面同舊八xx差唔多擺設，都仲係咁街坊。圓老爺都有好多唔同既野食，除左雞煲，仲有水煮魚、烤魚，同埋唔同嘅小炒。我今日口痕想食雞煲，於是嗌左個醬油皇蝦蟹雞煲、泡椒翼尖同埋皮蛋豆腐。雞煲好大煲，入面仲有份量唔少、大大隻既蝦、成隻蟹。雞煲好香，唔會死咸，而且個辣食落唔鯁喉，而最緊要既雞又夠滑，可以encore!仲有佢既皮蛋豆腐都好好食😭豆腐好嫩，撈埋皮蛋同肉鬆，咸香入面又有陣豆香，淡淡地中和番雞煲既濃味👍🏻👍🏻👍🏻後尾見到隔離枱叫左小炒，賣相都好好，下次再黎我一定會試！呢度都幾岩一大班朋友黎食飯，因為好多唔同口味既野可以揀，一定就到每一個人，而且上層仲有包箱，岩晒一大圍咁黎食（不過唔知洗唔洗預先book呢😝）-總結，可以再戰！