影片
更多
2012-08-22
54 浏览
小狗一歲生日, 我地帶左佢入黎西貢玩 , 跑下草地 , 見下其他狗仲帶埋佢去海鮮街 , 一齊睇定夜晚食乜野 ^^ 仲訂定位添 西貢唔同長洲 , 係定好左一個二/四/八人餐 , 而唔係一個定價 , 然後有一個 list o既海鮮 / 小菜比你任擇幾多款 , 而大部份o既套餐 , 都會用 d 無咁靚o既材料 , 所以先咁平 , 呢日我地就一於食豪 d , 全部自己揀海鮮叫阿姐秤 !!1. 墨魚刺身~ 秤左細細舊都要成百蚊 , 收埋加工費成 $ 200 , 都幾貴o家 但切好上碟之後 , 就覺得係值得比 , 片片都好薄 , 連大細都差唔多 , 晶瑩剔透 , 好巧刀功 , 食落相當鮮甜 , 加少少豉油 wasabi , 爽口味美2. 海膽~ 即叫即開 , 原個上枱 , 真係好正 !! 聽人講唔係成日有得食o家每片都好肥美豐腴 , 又甜又甘香 , 帶有少許海水味 , 超新鮮 , 香味停留o係口腔內持久不散 , 十分濃郁 !! $ 88 一隻, 抵到爛 !!3. 椒鹽瀨尿蝦~ 兩隻手掌咁長o既瀨尿蝦 , 預先切開左一半 , 可以更入味好夠鑊氣而且仲好香椒鹽味 , 簡直令人想連殼都食埋 ,肉質好彈
仲帶埋佢去海鮮街 , 一齊睇定夜晚食乜野 ^^ 仲訂定位添
西貢唔同長洲 , 係定好左一個二/四/八人餐 , 而唔係一個定價 ,
然後有一個 list o既海鮮 / 小菜比你任擇幾多款 ,
而大部份o既套餐 , 都會用 d 無咁靚o既材料 , 所以先咁平 ,
呢日我地就一於食豪 d , 全部自己揀海鮮叫阿姐秤 !!
1. 墨魚刺身
~ 秤左細細舊都要成百蚊 , 收埋加工費成 $ 200 ,
都幾貴o家 但切好上碟之後 , 就覺得係值得比 ,
片片都好薄 , 連大細都差唔多 , 晶瑩剔透 , 好巧刀功 ,
食落相當鮮甜 , 加少少豉油 wasabi , 爽口味美
2. 海膽~ 即叫即開 , 原個上枱 , 真係好正 !! 聽人講唔係成日有得食o家
每片都好肥美豐腴 , 又甜又甘香 , 帶有少許海水味 , 超新鮮 ,
香味停留o係口腔內持久不散 , 十分濃郁 !! $ 88 一隻, 抵到爛 !!
3. 椒鹽瀨尿蝦~ 兩隻手掌咁長o既瀨尿蝦 , 預先切開左一半 , 可以更入味
好夠鑊氣而且仲好香椒鹽味 , 簡直令人想連殼都食埋 ,
肉質好彈牙 , 無炒到連肉都乾埋 , 仲保時到鮮甜o既肉汁 ,
有 d 覺得一隻唔夠喉 , 下次食 d 再大隻o既斑馬瀨尿蝦先 ^v^
4. 上湯嘉菲蝦伊面底~ 秤海鮮時阿姐介紹我地食o既 , 話唔係間間有呢種蟹食 ,
咁就一於試下試佢 !! 阿姐仲幫我地渣主意 , 用上湯煮加伊面底
伊面係 ok o既 , 唔會太淋 , 不過個上湯汁無乜味 , 個芡仲好杰添 ....
嘉菲蟹大殼少肉 , 肉質較為實 , 有 d 似龍蝦但個甜度差好遠
又因為個上湯汁唔好味 , 連 d 蟹肉都同樣無乜味 , 有少少被騙o既感覺 ><"
## 唔記得左成餐要幾多錢喇 , 但食得好開心都大致上滿意o既 , 除左個嘉菲蟹 , 呢餐試左四樣海鮮 , 下次再黎 ... 要整隻蟶子王同龍蝦先得 xp
张贴
