名門私房菜

营业中

休息中

最近疫情緩和，都好耐冇約朋友出去食好西喇，今日就特意去灣仔一間私房菜食返夠本。佢係一間樓上嘅私房菜，相對一般街舖嚟講就靜少少，適合一啲中意收工休息下嘅朋友舒舒服服食個飯。今次最有印象就係個咸蛋黃金蝦同鮑魚豆腐煲，黃金蝦炸得非常香脆可口，上面加咗好多咸蛋黃無疑為菜式增添唔少風味。而鮑魚豆腐煲嘅調味得宜，令豆腐都可以有鮑魚嘅鮮味，亦算係水準之作。最後當然唔少得就係著名嘅乞兒雞，用嘅荷葉非常大塊，香味注滿咗全部雞肉，係依間餐廳必食嘅菜式。總括黎講都食得好滿意，中意食私房菜嘅朋友不妨一試！