影片
更多
2018-08-20
681 浏览
自從朋友轉工後，就多咗黎鰂魚涌食飯，朋友經同事介紹後試過呢間餐廳嘅北海道湯咖喱，今日就帶我黎試下喇。餐廳位於海光街，由地鐵站行去都只係需要幾分鐘，非常方便。店內佈置充滿北海道風味，除咗有好大幅北海道壁畫及每日更新嘅札幌資訊外，亦有店主喜歡嘅球隊波衫。一場黎到就當然要試下北海道風味料理啦， 晚餐跟沙律及飲品，亦可以加錢轉特飲。沙律係薯仔沙律，薯蓉加入沙律醬，味道唔會太濃，連埋沙律菜食，感覺好清新。雞腿湯咖喱 :上檯時香氣撲鼻，同一般咖喱比較，湯咖哩質感較稀，而食法亦同普通咖喱用汁撈飯唔同，湯咖喱係將飯浸入咖喱，再連湯一齊食，好似食湯飯咁。湯咖喱味道唔辣，飯嘅份量唔太多，食完飯後飲咖喱湯都唔會覺得咸，主菜嘅雞腿好淋好入味，配菜有茄子、西蘭花及蛋等等，食完感好滿足。"Eskarop"自家製吉列豬扒飯 :用鐵板盛載嘅吉列豬扒飯，上檯時仲係喳喳聲。吉列豬扒相當大塊，亦夠厚身，入口肉質鮮嫩，唔會炸到太乾，味道同平時食開嘅吉列豬扒有d唔同，外層帶有輕微甜味，再配上自家製豬扒醬汁，味道一流。北海道栗南瓜薯餅 :除咗主菜外，我地另外叫咗呢樣小食，南瓜薯餅即叫即炸，入口好重南瓜味，甜甜地相當開胃，雖然配有
餐廳位於海光街，由地鐵站行去都只係需要幾分鐘，非常方便。
店內佈置充滿北海道風味，除咗有好大幅北海道壁畫及每日更新嘅札幌資訊外，亦有店主喜歡嘅球隊波衫。
一場黎到就當然要試下北海道風味料理啦， 晚餐跟沙律及飲品，亦可以加錢轉特飲。
沙律係薯仔沙律，薯蓉加入沙律醬，味道唔會太濃，連埋沙律菜食，感覺好清新。
雞腿湯咖喱 :
上檯時香氣撲鼻，同一般咖喱比較，湯咖哩質感較稀，而食法亦同普通咖喱用汁撈飯唔同，湯咖喱係將飯浸入咖喱，再連湯一齊食，好似食湯飯咁。
湯咖喱味道唔辣，飯嘅份量唔太多，食完飯後飲咖喱湯都唔會覺得咸，主菜嘅雞腿好淋好入味，配菜有茄子、西蘭花及蛋等等，食完感好滿足。
"Eskarop"自家製吉列豬扒飯 :
用鐵板盛載嘅吉列豬扒飯，上檯時仲係喳喳聲。吉列豬扒相當大塊，亦夠厚身，入口肉質鮮嫩，唔會炸到太乾，味道同平時食開嘅吉列豬扒有d唔同，外層帶有輕微甜味，再配上自家製豬扒醬汁，味道一流。
北海道栗南瓜薯餅 :除咗主菜外，我地另外叫咗呢樣小食，南瓜薯餅即叫即炸，入口好重南瓜味，甜甜地相當開胃，雖然配有醬汁，但個人認為唔駛點汁都已經好好味。
飲品我地分別加錢揀咗蜜糖柚子茶及青檸柚子梳打，兩杯都有清新柚子味，亦唔會太甜，食飽後飲返杯真係份外醒神。呢間餐廳好重北海道風味，第一次試湯咖喱感覺好新鮮，令我慢慢愛上北海道了。
张贴
