囍越 (將軍澳中心)

营业中

休息中

今日午餐去左食越南野，揀左呢間餐廳， 十二點鐘入去好多位冇乜人， 餐牌選擇多，正宗越式扎肉到順化鮮茄牛腩，炸豬扒，火車頭，冬陰公，炒飯類粉類都有。揀咗個鮮茄牛腩河粉食，68蚊，凍飲加3蚊。可能人客唔多嘢食好快送到！大大碗順化鮮茄牛腩河粉！ 有幾塊番茄之餘，仲有啲蚊到淋曬嘅紅蘿蔔！ 牛腩嘅數目更加係超多！ 番茄味亦都好足！牛腩一啲都唔靭，好淋好易食！ 而且都好夠大碗！ 餐飲凍檸茶同出面茶餐廳飲差唔多冇乜特別， 埋單最後一個午餐71蚊，雖然話平唔平，話貴又唔算好貴，總算都食得心甘命抵！