上海弄堂菜肉餛飩 (歌賦街) (已搬遷) 新店位置

公司剛剛搬咗去中環，老婆難得放假過來同我一起午餐🤭，今次我地去公司附近食上海菜，聽聞餐廳菜肉餛飩非常出色🥰，一於去試下先😋。店舖面積雖小，但空間感十足，座位又闊落舒適🥰。店舖裝修以中國風🇨🇳為主，簡約又美觀。餐牌📔食物選擇唔算多，以一般上海菜為主，總有一款啱你😋。酸辣湯餛飩 $86酸辣湯材料豐富，有筍絲、豆腐絲、木耳絲，酸度適中偏辣🌶(老婆鐘意😂)，有陣陣陳醋香味。雲吞🥟有5️⃣大隻，餡料飽滿，味道清甜帶菜肉香味😋。小棠菜豬肉餛飩麵 $65有4️⃣大隻雲吞🥟，同樣餡料飽滿，幼身麵條🍜，軟滑得黎又有少少煙韌，雞湯底完全無油💯，味道清甜有雞肉🐓香味，整體感覺清淡中帶鮮香，又健康又好食😋。香煎鮮肉餃 $54/4隻餃子🥟表面煎得焦香🔥，只有鮮肉做餡料，肉味更香濃🥰，味道更鮮美，加埋辣豆瓣醬🌶一齊食，更加好食😋。總括而言，餛飩、煎肉餃全部大大粒又足料，真係非常抵食，值得回頭再試。