順興茶檔

营业中

休息中

晨咁早又去做擦鞋仔，落大坑去幫老細睇睇佢架車的修理進度，順手自己亦要辦理一些私務。早一晚去吃日本菜，喝了點酒，頭重重又有點餓，就捨粥去取餐蛋麵。原本去炳記，但朋友提醒這裡有腸粉賣，一次過可以滿足兩個願望，唔錯。比起隔離大排檔，呢度人係少好多，而我亦好少來這邊。叫了五蚊腸粉加碗餐蛋麵，少不了的當然是杯鴦走少甜。腸粉熱辣辣，但質地硬硬地，不算軟熟，但就幾香米味，加甜醬及辣醬，獨欠芝麻。不過只賣5蚊，平到發笑，是交足功課的；餐蛋麵是出前一丁，老實講，用上原裝麻油及味粉，幾難會整得難食。餐肉即煎，蛋亦是半熟溏心的，加埋兩條菜，一點不馬虎，算係幾好；杯鴛鴦都不錯，咖啡味及茶味都夠香，總結而言，都算是有水準的；這裡除了多士公仔麵及腸仔，還有車仔麵賣。由幾位阿姐打理，服務都不錯，如我要少甜，阿姐就問是不是要花奶而自己加糖，態度又認真又好，不因為是大排檔就求求其，值得一讚。埋單28元5角，吃得飽飽，經濟抵食。趁未天熱，在呢區搵食的話，不妨試試炳記及順興這兩間大排檔。