影片
港铁天后站 B 出口, 步行约9分钟
继续阅读
电话号码
25766577
营业时间
今日营业
07:00 - 15:00
星期一
全日休息
星期二至日
07:00 - 15:00
以上资料只供参考，请与餐厅确认详情
相关文章
每个礼拜都要去报到嘅极品B级美食，怒轰蛋同猪扒😍！・・・・・・・・・・・・・・・・・・・・🍳 滑蛋鱼柳饭 HK$60・味道：超重蛋味！极嫩滑！鱼柳好滑，加埋甜豉油捞饭，正！蛋同鱼柳都系已调味，就咁食都好满足！・口感：鱼柳外脆内嫩，yum！🐷 秘制猪扒饭 HK$60・味道：猪扒外皮煎到焦脆，仲有蜜糖香包住，甜甜咸咸的好正欸～个蛋流心啲更好！・口感：软熟的猪儿最好吃了，嘻♥(´∀` )🐷 秘制猪扒捞米 HK$63・味道：猪扒keep住外脆内软，甜甜咸咸咁好食。蛋都系超水准发挥，重蛋味够嫩滑。今次个重点：捞米配麻油，美味Σ>―(〃°ω°〃)♡→！・口感：冇嘢讲XD 就是正！🐮 招牌五香牛腩饭 HK$63・味道：五香肉丁汁好邪恶但好香口，配埋小小辣油咁好惹味！牛腩同牛筋都好入味，不过8成牛筋，好少牛腩，而且牛腩偏碎，呢个位有啲扣分TT・口感：牛腩同牛筋都好淋好入味嘅，个五香辣汁捞饭一流，几轻身而且食完唔会好渴嘅～🍹 橙茶 走甜 +HK$3・味道：真系有几嚿橙，个人觉得少少甜系最perfect，橙同茶比例最好嘅味道，jeng！・口感：饮到橙粒嘅呢～・・・・・・・・・・・・・・・・・・・・🤰性价比：高～🤰9冲度：9冲～🤰结论：同事推坑的好西，舌头高潮的美味👅！・・・・・・・・・・・・・・・・・・・・
继续阅读
滑蛋猪扒饭 $59炒蛋系半熟嘅，有少少蛋汁，但冇乜蛋香味，配上葱花、豉油同切好嘅猪扒，猪扒可能系被蛋汁整湿咗，外皮唔酥脆，少少失望。〰️〰️〰️〰️〰本身谂住去食滑蛋菠萝油，等位等咗15分钟，坐低落单先讲冇菠萝油，冇面包类，其实系咪可以系客人排队之前讲有咩系售罄先？等客人唔洗白等呀嘛😢 咁无计啦，叫滑蛋叉烧饭又冇叉烧，叫车仔面又冇鱿鱼⋯⋯我哋大概13:00左右到餐厅，可能太晏啦，如果想多啲嘢食就早啲到餐厅。食物质素普通，餐具卫生差，服务更加不值一提，如果山长水远入嚟食就唔值啦，路过想体验下茶档风味，都可以试一次嘅，始终我觉得传统特色系需要被保留~ 〰️〰️〰️〰️〰️食物: 3/5性价比: 3/5 环境: 2/5服务: 2.5/5Revisit: No
继续阅读
滑蛋猪扒饭据闻大坑顺兴茶档有啲名气，招牌滑蛋叉烧饭，之前过黎食，无食到，因为无开档😂今日点左个滑蛋猪扒饭。我觉得好好味wor🥰啲蛋够滑，猪扒份量又足，味道又唔差，黎开呢头可以一试。
继续阅读
落大坑一系食炳记 一系食滑蛋叉烧饭（$62；冻饮加$3 ）一定要早啲去，晏少少去一定买晒蛋香又滑 叉烧份量恰当加埋秘制豉油冇得输女仔一定要嗌少饭！虽然奶茶出名，但本人唔饮奶茶，冻咖啡或者冻柠茶都好饮！除咗滑蛋叉烧饭，都有车仔面或者净𩠌，但相比之下，都系滑蛋叉烧饭最出色！
继续阅读
大坑呢个美食小天堂集合左唔同国家嘅美食，有充满历史岁月行迹嘅车仔面、茶档同茶餐厅，亦有打卡、欧陆风味嘅咖啡店，好多香港人放假都会过黎Chill一Chill，揾美食！讲到大坑必食，问十个，有九个都会讲顺兴滑蛋叉烧饭，有别其他店舖，佢地保留旧香港传统茶档铁皮屋设计，冇冷气，坐立于唔起眼嘅街边后巷，但你总会见到座无虚位同排队嘅景象。香港呢啲铁皮屋茶档真系为数不多，好多都俾时代慢慢淘汰。🍚滑蛋猪扒饭 $57★★★★☆份量绝对毫不吝啬，大大碟，冇好华丽嘅摆盘，但正系见到个金黄色炒蛋个卖相已经吸引死人。炒蛋半熟状态咁，仲带有少少蛋汁，加埋葱花同一块块深啡色猪排，冇得输！个蛋炒得岩岩好，入口嫩滑，仲好有蛋香味，绝对真材实料！猪扒同颜色一样好入味，一啖饭有哂滑蛋、猪扒、加埋佢地个甜酱油，正！样样食材都唔系D咩花巧贵价野，但咁简单嘅食材反而更加好味，更有港式味道，十分地道！🍚秘制猪扒饭 $56★★★★☆份量依然好足，猪扒大大块已切好，猪扒望落已经同滑蛋猪扒饭嘅唔同，颜色深好多。食落都系超级入味，个皮焦焦地，皮唔系酥脆个款猪扒，但好惹味，配饭一流。猪扒唔加个甜酱油都好够味，另外有只煎蛋跟埋。如果唔太食蛋嘅朋友可以点呢个，都唔会失望！🍚蕃茄汁鸡扒饭 $52★★★☆☆茄汁系传统大排档个只茄汁，质地较杰身，似系茄膏煮出黎嘅，酸酸甜甜，儿时回忆嘅味道。鸡扒几香，有煎香过，几嫩滑，配埋个茄汁食好开胃，不过对比滑蛋饭同秘制猪扒饭就冇咩特别，唔洗专登黎到点呢个。🍚奶茶★★★☆☆行入店舖坐低已经闻到阵阵茶香，饮落奶茶的确是好饮，但佢比我想像中嘅冇咁浓茶香，入口冇好丝滑，未去到惊为天人嘅地步！但已经比起好多茶餐厅嘅好饮，叫野食加3蚊就可以饮到系几抵，可以一试。🌟总括：原始地道风味，黎大坑必试嘅一间店舖，个滑蛋恰到好处，滑得黎又有蛋香；另外猪扒都好食入味，谂起都想再去食多次。但今次美中不足食唔到最驰名滑蛋叉烧饭，周末中午１点去已经卖哂！
继续阅读