影片
更多
2025-07-29
834 浏览
餐廳環境勁靚，打卡必去之選，食物水準高最近同閨蜜去咗間靚餐廳，裝修以木化石為主題的咖啡店，設計好有心思，每個角落都係打卡位📸。入面採光充足，色調柔和，好啱影靚相。除咗環境勁正，食物質素都真係有驚喜，份量碟碟都好大碟，性價比都唔錯。「川辣西瓜沙律」 🍉$118 賣相色彩鮮明，西瓜切得四四方方，配上辣油同花生碎有層次。入口先甜後辣，西瓜爽脆多汁，加埋辣味好開胃。「牛肝菌蘑菇湯」 $78 一上枱就聞到濃濃菇香，湯呈深啡色好creamy。口感滑溜又有蘑菇粒粒，味道香濃，不會太鹹，令人有幸福感。「風乾火腿蘑菇薄餅」🍕 $158 薄餅底金黃又香脆，上面鋪滿火腿、蘑菇，香氣十足。每塊有拉絲芝士、肉鹹菇香，口感豐富。「紅酒糟虎蝦捲意粉」 $178 賣相高級，捲意粉掛晒醬汁，蝦肉爽彈帶微微酒香，口感層次豐富。「香芧單骨雞翼配香芒辣汁」 $88 雞翼炸得外脆內嫩，香芧味突出。辣汁酸甜醒胃，幾過癮。「招牌牛肉漠堡」🍔 $178 漢堡勁大份，入面夾住厚切牛肉，入口牛味濃郁，香口又美味「Purple Latte」$48 紫薯嘅紫色漸變色賣相好靚，奶滑帶淡淡香味，味道唔會過甜，打卡一流。「特色木化石
最近同閨蜜去咗間靚餐廳，裝修以木化石為主題的咖啡店，設計好有心思，每個角落都係打卡位📸。入面採光充足，色調柔和，好啱影靚相。除咗環境勁正，食物質素都真係有驚喜，份量碟碟都好大碟，性價比都唔錯。
「川辣西瓜沙律」 🍉$118
賣相色彩鮮明，西瓜切得四四方方，配上辣油同花生碎有層次。入口先甜後辣，西瓜爽脆多汁，加埋辣味好開胃。
「牛肝菌蘑菇湯」 $78
一上枱就聞到濃濃菇香，湯呈深啡色好creamy。口感滑溜又有蘑菇粒粒，味道香濃，不會太鹹，令人有幸福感。
「風乾火腿蘑菇薄餅」🍕 $158
薄餅底金黃又香脆，上面鋪滿火腿、蘑菇，香氣十足。每塊有拉絲芝士、肉鹹菇香，口感豐富。
「紅酒糟虎蝦捲意粉」 $178
賣相高級，捲意粉掛晒醬汁，蝦肉爽彈帶微微酒香，口感層次豐富。
「香芧單骨雞翼配香芒辣汁」 $88
雞翼炸得外脆內嫩，香芧味突出。辣汁酸甜醒胃，幾過癮。
「招牌牛肉漠堡」🍔 $178
漢堡勁大份，入面夾住厚切牛肉，入口牛味濃郁，香口又美味
「Purple Latte」$48
紫薯嘅紫色漸變色賣相好靚，奶滑帶淡淡香味，味道唔會過甜，打卡一流。
「特色木化石朱古力餅」 $88
朱古力餅外型似木化石，賣相型格。入口厚實，朱古力味道香濃，中間夾住朱古力漿，甜而不膩。
呢度太舒服，傾傾下就坐到天黑！好鍾意餐廳嘅架座有獨立空間，好有私隱度，唔洗同隔離枱眼望望🤭
打卡又靚，食物份量又足，味道有驚喜，超啱同閨蜜食完嘢慢慢傾心事！
PARKSIDE@NINA
荃灣楊屋道8號如心廣場一期2樓201號舖
张贴
