阿肥火鍋 (已結業)

每次經過尖沙咀，都見到有好多火鍋餐廳。但係呢一間餐廳係地庫，地磚仲要癡住咗啲麻雀，感覺好特別，所以都同朋友入咗去試吓。入到去可能因為太早，仲有得試佢哋嘅午餐，午餐大概都係五六十蚊，仲嗌左兩款小食。講佢哋海南雞飯先，啲雞全部都好滑身，然後啲皮都唔會好肥好多脂肪。啲油飯唔會覺得好滯，都食得出幾正宗。雞蛋肉碎飯，啲肉碎炒得好香，而且都鹹鹹地，同埋啲飯食落去都好正！不過啲肉碎有少少辣，如果唔鍾意食辣嘅可能你未必啱食啦！而佢嘅炸蝦餅好大大嚿，食落口真係好脆身，同埋啲泰式辣醬，真係好嘢味！