影片
更多
2022-07-13
1025 浏览
漁港薈(17/5) 星期二 下午4點左右特式：呢間舖做開火鍋任食，但時不時會轉主題，我之前冬天試過佢地個羊腩煲任食加火鍋，不過就比想像中差，今次去試係佢個蠔任食加火鍋。食物：雞煲 - 佢會先提供一個雞煲，味道正常，唔太出色，比普通茶餐廳好少少。蠔 - 有蒜蓉蒸蠔/酥炸生蠔/芝士焗蠔，都係任食。蒜蓉蒸蠔，當日一坐低職員已經講，今日d炸蒜師傅炸燶左，可能會對味道有少少影響，咁你都報定案，我仲可以點，咁個蒸蠔又真係除左d蒜燶燶地之外都無大問題，都新鮮，size亦唔算好細。酥炸生蠔，呢個係3款之中最大隻，炸漿又薄，不過始終炸過係油膩d，就算最大隻又最鮮味，食得多都係會滯。芝士焗蠔，呢隻個蠔肉最細粒，又多cream同cheap芝士，食左第一次都無再叫。火鍋配料 - 其他火鍋配料真係少之又少，海鮮得三款（蝦/蜆/龍躉片），不過好彩3款都唔差，都新鮮入得口，但蜆就有沙，另外除左肥牛外都無叫其他野了。環境：餐廳環境ok，都有7~8張卡位，都鬆動闊落，當日平日4點時段都有5~6枱客，食緊中途仲見到好多人walk in book位。服務：服務態度好，職員好nice會同d客吹下水，又會主動介紹下餐牌之類，又
(17/5) 星期二 下午4點左右
特式：呢間舖做開火鍋任食，但時不時會轉主題，我之前冬天試過佢地個羊腩煲任食加火鍋，不過就比想像中差，今次去試係佢個蠔任食加火鍋。
食物：
雞煲 - 佢會先提供一個雞煲，味道正常，唔太出色，比普通茶餐廳好少少。
蠔 - 有蒜蓉蒸蠔/酥炸生蠔/芝士焗蠔，都係任食。
蒜蓉蒸蠔，當日一坐低職員已經講，今日d炸蒜師傅炸燶左，可能會對味道有少少影響，咁你都報定案，我仲可以點，咁個蒸蠔又真係除左d蒜燶燶地之外都無大問題，都新鮮，size亦唔算好細。
酥炸生蠔，呢個係3款之中最大隻，炸漿又薄，不過始終炸過係油膩d，就算最大隻又最鮮味，食得多都係會滯。
芝士焗蠔，呢隻個蠔肉最細粒，又多cream同cheap芝士，食左第一次都無再叫。
火鍋配料 - 其他火鍋配料真係少之又少，海鮮得三款（蝦/蜆/龍躉片），不過好彩3款都唔差，都新鮮入得口，但蜆就有沙，另外除左肥牛外都無叫其他野了。
環境：餐廳環境ok，都有7~8張卡位，都鬆動闊落，當日平日4點時段都有5~6枱客，食緊中途仲見到好多人walk in book位。
服務：服務態度好，職員好nice會同d客吹下水，又會主動介紹下餐牌之類，又會關心下你啱唔啱食咁。
價錢：人均大約300左右。
總結：呢個價錢唔算抵食，仲可以有其他更多更好既選擇，但呢間餐廳勝左成日轉主題，如果真係咁啱轉到一個主題好啱自己，去試一試都無妨。
雞煲
5 浏览
0 赞好
0 留言
蒜蓉蒸蠔
6 浏览
0 赞好
0 留言
酥炸生蠔
11 浏览
0 赞好
0 留言
芝士焗蠔
12 浏览
0 赞好
0 留言
火鍋配料
8 浏览
0 赞好
0 留言
张贴
