影片
更多
2017-10-31
174 浏览
想一個價錢任食火鍋同埋刺身，我們二人特意選了大埔嘅《稻八日式火鍋炸物放題》，試一試放題套餐。當然一坐低就要選咗湯底先，本身套餐都有八款湯底選擇，但係眼見有女士們至愛嘅「美肌膠原湯」，湯底可以養顏，見到湯底入面真係有幾嚿花膠，果然足料，而且價錢只係加＄48，全枱人均可享用，抵食！等食物嘅期間出去「自助炸物吧」，多款已經用竹籤吉好咗嘅食物串燒，整齊擺放係炸爐前面，只需因應自己嘅口味調製生粉厚度，就可以炸出香脆可口嘅串燒小食。最特別嘅係有「秋葵」，好少會有咁嘅食法，炸完之後食落去外脆，滑嘟嘟嘅口感，好特別。套餐包括任食刺身，有我最鍾意嘅「三文魚刺身」同埋「甜蝦刺身」。「甜蝦刺身」每一隻都好大隻，而且食落去爽口鮮甜，非常新鮮。隨即叫咗幾碟「特級美國穀飼牛」，只需要灼一陣就食得，口感軟綿綿，牛肉味非常濃郁，必食。「美國自然豚肉片」好大塊，半肥瘦，豬肉味道好新鮮，咬落去有質感，唔錯唔錯。至於蔬菜、瓜類、丸類同埋雜菌類都係出面以自助形式拿取，既方便又可以按自己食用的份量去選擇。唔少得我至愛嘅「貢丸」啦，每一粒貢丸就咁睇已經有好多磨菇肉，新鮮足料，食落去爽口彈牙。飲品方面更有多款選擇，就連「Jolly
想一個價錢任食火鍋同埋刺身，我們二人特意選了大埔嘅《稻八日式火鍋炸物放題》，試一試放題套餐。
當然一坐低就要選咗湯底先，本身套餐都有八款湯底選擇，但係眼見有女士們至愛嘅「美肌膠原湯」，湯底可以養顏，見到湯底入面真係有幾嚿花膠，果然足料，而且價錢只係加＄48，全枱人均可享用，抵食！
等食物嘅期間出去「自助炸物吧」，多款已經用竹籤吉好咗嘅食物串燒，整齊擺放係炸爐前面，只需因應自己嘅口味調製生粉厚度，就可以炸出香脆可口嘅串燒小食。最特別嘅係有「秋葵」，好少會有咁嘅食法，炸完之後食落去外脆，滑嘟嘟嘅口感，好特別。
套餐包括任食刺身，有我最鍾意嘅「三文魚刺身」同埋「甜蝦刺身」。「甜蝦刺身」每一隻都好大隻，而且食落去爽口鮮甜，非常新鮮。
隨即叫咗幾碟「特級美國穀飼牛」，只需要灼一陣就食得，口感軟綿綿，牛肉味非常濃郁，必食。
「美國自然豚肉片」好大塊，半肥瘦，豬肉味道好新鮮，咬落去有質感，唔錯唔錯。
至於蔬菜、瓜類、丸類同埋雜菌類都係出面以自助形式拿取，既方便又可以按自己食用的份量去選擇。唔少得我至愛嘅「貢丸」啦，每一粒貢丸就咁睇已經有好多磨菇肉，新鮮足料，食落去爽口彈牙。
飲品方面更有多款選擇，就連「Jolly Sandy」都有啊！
自助醬料吧更有多款醬料自由混醬，配搭自己最鍾意嘅口味。
大人細路最鍾意嘅甜品「Dreyer’s王牌雪糕杯」有芒果味、藍莓味、比利時朱古力同埋開心果味道，果然多款選擇，而且係高質素雪糕系列，值回票價。
最後兩個人埋單都只係$600有找，食物質素高，而且多款選擇，值得再試。张贴
