影片
更多
2017-08-14
108 浏览
今晚同幾個朋友係太和，咁啱見到附近有日式放題，乾脆入去試試。因為唔係weekend，一入到去唔洗等位就可以坐低。d員工都算熱情，即刻帶我地去入面既卡位，跟住就介紹套餐俾我地。我唔記得點左咩套餐，係朋友負責點既，淨係知道有超多野食，炸物火鍋刺身咩都有，120分鐘放題。我地點左兩個火鍋湯底，一個係蕃茄，一個係滋補養生既白湯（唔記得全名，好入味好夠火候既濃湯）。跟住上菜速度都好快，刺身同牛羊肉上先。量都好足夠，牛肉好新鮮好長條，煮一下即刻入口一d都唔老，而且有陣陣牛奶既感覺，唔需要咩調料就咁食都覺得掂。刺食我就冇食，因為自己本身唔食生野，不過朋友佢地都覺得新鮮厚肉多種類。另一樣超乎我想像既居然係蟹柳，真係啖啖肉，蟹肉一咬就超多汁出哂黎，真材實料，同係日本個時食既一樣，感覺都唔係平價野。仲有個蟹子丸又係值得一贊，料足，入面充滿哂蟹子，係丸子類之中最推薦既。其他野例如調味料，沙律，火鍋料，炸物，甜品都可以係出面攞，全自助式，好free。特別值得一提係炸物都係自己炸既，第一次自己炸野，過程都幾好玩。餐枱上既紙同埋炸物區既牆上面都有教，操作都好簡單，揀自己鐘意既食材然後沾d炸漿同埋木糠放落炸爐就ok
因為唔係weekend，一入到去唔洗等位就可以坐低。d員工都算熱情，即刻帶我地去入面既卡位，跟住就介紹套餐俾我地。我唔記得點左咩套餐，係朋友負責點既，淨係知道有超多野食，炸物火鍋刺身咩都有，120分鐘放題。我地點左兩個火鍋湯底，一個係蕃茄，一個係滋補養生既白湯（唔記得全名，好入味好夠火候既濃湯）。
跟住上菜速度都好快，刺身同牛羊肉上先。量都好足夠，牛肉好新鮮好長條，煮一下即刻入口一d都唔老，而且有陣陣牛奶既感覺，唔需要咩調料就咁食都覺得掂。
刺食我就冇食，因為自己本身唔食生野，不過朋友佢地都覺得新鮮厚肉多種類。
另一樣超乎我想像既居然係蟹柳，真係啖啖肉，蟹肉一咬就超多汁出哂黎，真材實料，同係日本個時食既一樣，感覺都唔係平價野。
仲有個蟹子丸又係值得一贊，料足，入面充滿哂蟹子，係丸子類之中最推薦既。
其他野例如調味料，沙律，火鍋料，炸物，甜品都可以係出面攞，全自助式，好free。特別值得一提係炸物都係自己炸既，第一次自己炸野，過程都幾好玩。餐枱上既紙同埋炸物區既牆上面都有教，操作都好簡單，揀自己鐘意既食材然後沾d炸漿同埋木糠放落炸爐就ok。
旁邊有好多炸物調料，例如海苔粉，孜然粉，咖喱粉，椒鹽等等好多選擇。
因為第一次炸野，唔知要炸幾分鐘，個人覺得如果有埋時間上既指示就更加好，不過最後炸出黎既效果都幾好。我炸左蝦，日式甜紫薯，廚師腸，蝦餅，蝦丸。
特別鐘意紫薯，炸完之後外脆內甜，前後食左5，6個。炸蝦餅都好正，加d椒鹽就好似細個放學食個椒鹽蝦餅隻味，回憶呀！
仲有d野飲又係超多，任飲唔嬲，睇下我地飲左幾多種就知啦，有雀檸，陽光檸檬茶，烏龍茶，黑加侖子汁，檸檬紅茶，巨峰葡萄汁等等。擺野飲既雪櫃都有兩個，可想而知！對於飲品怪黎講簡直就係福音！最後講下甜品，有Dreyer's雪糕同埋下雪米糍！
雪糕有朱古力味，藍莓芝士蛋糕味同埋我最鐘意既開心果味！我食左朱古力味同埋開心果味，朱古力味好濃好純，開心果味就有開心果仁碎係入面，淨係Dreyer's都值回票價。
仲有雪米糍，有荔枝味，芝麻味，居然仲有紫薯味！我最欣賞紫薯味，因為紫薯味濃，甜而不膩，仲好配合日式主題，作為飯後甜品真係唔錯。有齊炸物火鍋刺身日式放題都幾特別，一次過滿足唔同人既口味，量又多又唔算貴，5個人埋單1300，平均每人都係260左右食到飽。總之都幾滿意呢餐，下次有機會黎呢邊都會再食。
张贴
