伴糖水 (已結業)

收到媽媽order，話想食湯水，好彩係附近餐廳食完飯，見到有外賣糖水店！陳皮紅豆沙綿軟細膩，非常濃稠，好大量紅豆，務求每一口到嚐到紅豆。聞落特別香，原來加入了陳皮。呢隻陳皮就勁啦，廿年以上，看得出落重本，甘香醇厚，令紅豆沙的餘韻更為綿長！腐竹白果蛋花腐竹糖水係我最鍾意飲。味道唔算太甜，飲得出腐竹嘅香味，而且腐竹冇完全溶晒，食到一塊塊非常幼滑。白果去咗芯一啲都唔苦，食落增添唔少口感，仲加入左蛋花望落冇咁單調，又有陣陣蛋香。外賣拎到返屋企都仲係暖笠笠，啱晒呢排天氣轉涼，夠晒滋潤。